Anas (roziyallohu anhu)dan rivoyat qilinadi: U dedi: Rasululloh ﷺ koʻp marta: «Ey qalblarni aylantiruvchi Zot, qalbimni Oʻz dining ustida sobit qilgin», deb aytar edilar. Men: «Ey Rasululloh, biz sizga va siz keltirgan narsaga iymon keltirdik-ku, shunda ham biz haqimizda qoʻrqasizmi?» dedim. U zot: «Ha, albatta qalblar Allohning barmoqlaridan ikki barmogʻi orasidadir, U ularni xohlaganicha aylantiradi», dedilar. Abu Iso aytdi: Bu bobda Navvos ibn Samʼon, Umm Salama, Abdulloh ibn Amr va Oishadan ham (rivoyatlar) bor. Bu hadis hasandir. Uni shu tariqa bir necha kishi Aʼmashdan, u Abu Sufyondan, u Anasdan rivoyat qilgan. Baʼzilari esa uni Aʼmashdan, u Abu Sufyondan, u Jobirdan, u Nabiy ﷺdan rivoyat qilgan. Abu Sufyonning Anasdan (rivoyati) esa asahdir (eng sahihdir).Анас (розияллоҳу анҳу)дан ривоят қилинади: У деди: Расулуллоҳ ﷺ кўп марта: «Эй қалбларни айлантирувчи Зот, қалбимни Ўз дининг устида собит қилгин», деб айтар эдилар. Мен: «Эй Расулуллоҳ, биз сизга ва сиз келтирган нарсага иймон келтирдик-ку, шунда ҳам биз ҳақимизда қўрқасизми?» дедим. У зот: «Ҳа, албатта қалблар Аллоҳнинг бармоқларидан икки бармоғи орасидадир, У уларни хоҳлаганича айлантиради», дедилар. Абу Исо айтди: Бу бобда Наввос ибн Самъон, Умм Салама, Абдуллоҳ ибн Амр ва Оишадан ҳам (ривоятлар) бор. Бу ҳадис ҳасандир. Уни шу тариқа бир неча киши Аъмашдан, у Абу Суфёндан, у Анасдан ривоят қилган. Баъзилари эса уни Аъмашдан, у Абу Суфёндан, у Жобирдан, у Набий ﷺдан ривоят қилган. Абу Суфённинг Анасдан (ривояти) эса асаҳдир (энг саҳиҳдир).