Ibn Umar (roziyallohu anhumo)dan rivoyat qilinadi: Rasululloh ﷺ: «Ummatim manmanlik bilan kerilib yurgan, podshohlarning bolalari — Forsu Rum bolalari unga xizmat qiladigan boʻlganida, ularning yomonlari yaxshilari ustiga hukmron qilib qoʻyiladi», dedilar. Abu Iso aytdi: Bu hadis gʻaribdir. Uni Abu Muoviya Yahyo ibn Said al-Ansoriydan ham rivoyat qilgan. Lekin Abu Muoviyaning Yahyo ibn Saiddan, u Abdulloh ibn Dinordan, u Ibn Umardan qilgan hadisining asli maʼlum emas; maʼlum boʻlgani Muso ibn Ubaydaning hadisidir. Molik ibn Anas bu hadisni Yahyo ibn Saiddan mursal qilib rivoyat qilgan va unda Abdulloh ibn Dinordan, Ibn Umardan deb zikr qilmagan.Ибн Умар (розияллоҳу анҳумо)дан ривоят қилинади: Расулуллоҳ ﷺ: «Умматим манманлик билан керилиб юрган, подшоҳларнинг болалари — Форсу Рум болалари унга хизмат қиладиган бўлганида, уларнинг ёмонлари яхшилари устига ҳукмрон қилиб қўйилади», дедилар. Абу Исо айтди: Бу ҳадис ғарибдир. Уни Абу Муовия Яҳё ибн Саид ал-Ансорийдан ҳам ривоят қилган. Лекин Абу Муовиянинг Яҳё ибн Саиддан, у Абдуллоҳ ибн Динордан, у Ибн Умардан қилган ҳадисининг асли маълум эмас; маълум бўлгани Мусо ибн Убайданинг ҳадисидир. Молик ибн Анас бу ҳадисни Яҳё ибн Саиддан мурсал қилиб ривоят қилган ва унда Абдуллоҳ ибн Динордан, Ибн Умардан деб зикр қилмаган.