Abu Hurayra (roziyallohu anhu)dan rivoyat qilinadi: Rasululloh ﷺ: «Tush uch xildir: rost tush, kishining oʻz koʻngliga kelgan tush va shayton tomonidan gʻam soladigan tush. Kim oʻzi yomon koʻrgan narsani koʻrsa, oʻrnidan turib namoz oʻqisin», dedilar. Va u zot: «Men kishanni yoqtiraman, boʻyinturuqni esa yomon koʻraman. Kishan — dinda sobitlikdir», derdilar. Yana: «Kim meni (tushda) koʻrsa, demak u — menman, chunki shayton mening qiyofamga kira olmaydi», derdilar. Yana: «Tush faqat olim yoki nasihatgoʻy kishigagina aytiladi», derdilar. Bu bobda Anas, Abu Bakra, Umm al-Alo, Ibn Umar, Oisha, Abu Muso, Jobir, Abu Said, Ibn Abbos va Abdulloh ibn Amrdan ham (rivoyatlar) bor. Abu Iso aytdi: Bu hadis hasan sahihdir.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Туш уч хилдир: рост туш, кишининг ўз кўнглига келган туш ва шайтон томонидан ғам соладиган туш. Ким ўзи ёмон кўрган нарсани кўрса, ўрнидан туриб намоз ўқисин», дедилар. Ва у зот: «Мен кишанни ёқтираман, бўйинтуруқни эса ёмон кўраман. Кишан — динда собитликдир», дердилар. Яна: «Ким мени (тушда) кўрса, демак у — менман, чунки шайтон менинг қиёфамга кира олмайди», дердилар. Яна: «Туш фақат олим ёки насиҳатгўй кишигагина айтилади», дердилар. Бу бобда Анас, Абу Бакра, Умм ал-Ало, Ибн Умар, Оиша, Абу Мусо, Жобир, Абу Саид, Ибн Аббос ва Абдуллоҳ ибн Амрдан ҳам (ривоятлар) бор. Абу Исо айтди: Бу ҳадис ҳасан саҳиҳдир.