Ibn Abbos (roziyallohu anhumo)dan rivoyat qilinadi: Rasululloh ﷺ: «Qiyomat kuni odamlar yalangoyoq, yalangʻoch va sunnatsiz holda, yaratilgan holatlaridek toʻplanadilar», dedilar. Soʻng u zot: {Biz dastlabki yaratishni qanday boshlagan boʻlsak, uni (shunday) qaytaramiz. (Bu) Bizning zimmamizdagi vaʼdadir. Albatta, Biz (uni) ado etuvchimiz} (Anbiyo 104) (oyatini) oʻqidilar. «Maxluqotlardan eng birinchi boʻlib kiydiriladigan zot Ibroʻhimdir. Ashobimdan ayrim kishilar oʻng va chap tomonga olib ketiladi. Shunda men: ‹Ey Robbim, ashobim!› deyman. Bas, (menga): ‹Sen ulardan keyin nima (bidʼat) ihdos qilganlarini bilmaysan, sen ulardan ajralganingdan beri ular doimo orqalariga (kufrga) qaytib turdilar›, deyiladi. Shunda men solih banda (Iso) aytganidek: ‹Agar Sen ularni azoblasang, bas, ular Sening bandalaringdir, agar ularni magʻfirat qilsang, bas, albatta Sengina Aziz va Hakimsan› (Moida 118), deyman», dedilar. Abu Iso aytdi: Bu hadis hasan sahihdir.Ибн Аббос (розияллоҳу анҳумо)дан ривоят қилинади: Расулуллоҳ ﷺ: «Қиёмат куни одамлар ялангоёқ, яланғоч ва суннатсиз ҳолда, яратилган ҳолатларидек тўпланадилар», дедилар. Сўнг у зот: {Биз дастлабки яратишни қандай бошлаган бўлсак, уни (шундай) қайтарамиз. (Бу) Бизнинг зиммамиздаги ваъдадир. Албатта, Биз (уни) адо этувчимиз} (Анбиё 104) (оятини) ўқидилар. «Махлуқотлардан энг биринчи бўлиб кийдириладиган зот Ибрўҳимдир. Ашобимдан айрим кишилар ўнг ва чап томонга олиб кетилади. Шунда мен: ‹Эй Роббим, ашобим!› дейман. Бас, (менга): ‹Сен улардан кейин нима (бидъат) иҳдос қилганларини билмайсан, сен улардан ажралганингдан бери улар доимо орқаларига (куфрга) қайтиб турдилар›, дейилади. Шунда мен солиҳ банда (Исо) айтганидек: ‹Агар Сен уларни азобласанг, бас, улар Сенинг бандаларингдир, агар уларни мағфират қилсанг, бас, албатта Сенгина Азиз ва Ҳакимсан› (Моида 118), дейман», дедилар. Абу Исо айтди: Бу ҳадис ҳасан саҳиҳдир.