حَدَّثَنَا هَنَّادٌ، حَدَّثَنَا أَبُو مُعَاوِيَةَ، عَنِ الأَعْمَشِ، عَنْ عَمْرِو بْنِ مُرَّةَ، عَنْ سَالِمِ بْنِ أَبِي الْجَعْدِ، عَنْ أُمِّ الدَّرْدَاءِ، عَنْ أَبِي الدَّرْدَاءِ، قَالَ قَالَ رَسُولُ اللَّهِ صلى الله عليه وسلم " أَلاَ أُخْبِرُكُمْ بِأَفْضَلَ مِنْ دَرَجَةِ الصِّيَامِ وَالصَّلاَةِ وَالصَّدَقَةِ " . قَالُوا بَلَى . قَالَ " صَلاَحُ ذَاتِ الْبَيْنِ فَإِنَّ فَسَادَ ذَاتِ الْبَيْنِ هِيَ الْحَالِقَةُ " . قَالَ أَبُو عِيسَى هَذَا حَدِيثٌ صَحِيحٌ . وَيُرْوَى عَنِ النَّبِيِّ صلى الله عليه وسلم أَنَّهُ قَالَ " هِيَ الْحَالِقَةُ لاَ أَقُولُ تَحْلِقُ الشَّعْرَ وَلَكِنْ تَحْلِقُ الدِّينَ " .
Abu Dardo (roziyallohu anhu)dan rivoyat qilinadi: Rasululloh ﷺ: «Sizlarga roʻza, namoz va sadaqaning darajasidan afzalroq narsani aytib bermaymi?» dedilar. Ular: «Albatta (ayting)», deyishdi. U zot: «Oʻzaro yarashtirish. Zero, oʻzaro aloqalarning buzilishi — qiruvchidir», dedilar. Abu Iso aytdi: Bu hadis sahihdir. Nabiy ﷺdan rivoyat qilinishicha, u zot: «U qiruvchidir, men sochni qiradi demayman, balki dinni qiradi, deyman», deganlar.Абу Дардо (розияллоҳу анҳу)дан ривоят қилинади: Расулуллоҳ ﷺ: «Сизларга рўза, намоз ва садақанинг даражасидан афзалроқ нарсани айтиб бермайми?» дедилар. Улар: «Албатта (айтинг)», дейишди. У зот: «Ўзаро яраштириш. Зеро, ўзаро алоқаларнинг бузилиши — қирувчидир», дедилар. Абу Исо айтди: Бу ҳадис саҳиҳдир. Набий ﷺдан ривоят қилинишича, у зот: «У қирувчидир, мен сочни қиради демайман, балки динни қиради, дейман», деганлар.