Abu Hurayra (roziyallohu anhu)dan rivoyat qilinadi: Nabiy ﷺ: «Juma — kechasi oilasiga qaytib (uyiga) yetib boradigan kishiga (vojib)dir», dedilar. (Ushbu hadis haqida shunday voqea boʻlgan: Ahmad ibn Hasan aytadi: Biz Ahmad ibn Hanbalning huzurida edik. Odamlar juma kimga vojib boʻlishi haqida soʻz ochishdi, Ahmad esa bu borada Nabiy ﷺdan hech narsa zikr qilmadi. Men Ahmad ibn Hanbalga: «Bu haqda Abu Hurayradan, Nabiy ﷺdan (rivoyat) bor», dedim. Ahmad: «Nabiy ﷺdanmi?» dedi. «Ha», dedim va ushbu hadisni keltirdim. Shunda Ahmad ibn Hanbal mendan gʻazablanib: «Robbingdan magʻfirat soʻra, Robbingdan magʻfirat soʻra!» dedi.) Abu Iso aytdi: Ahmad ibn Hanbal bunday qilishiga sabab — u bu hadisni eʼtiborga olmas va isnodi holatiga koʻra uni zaif sanardi.Абу Ҳурайра (розияллоҳу анҳу)дан ривоят қилинади: Набий ﷺ: «Жума — кечаси оиласига қайтиб (уйига) етиб борадиган кишига (вожиб)дир», дедилар. (Ушбу ҳадис ҳақида шундай воқеа бўлган: Аҳмад ибн Ҳасан айтади: Биз Аҳмад ибн Ҳанбалнинг ҳузурида эдик. Одамлар жума кимга вожиб бўлиши ҳақида сўз очишди, Аҳмад эса бу борада Набий ﷺдан ҳеч нарса зикр қилмади. Мен Аҳмад ибн Ҳанбалга: «Бу ҳақда Абу Ҳурайрадан, Набий ﷺдан (ривоят) бор», дедим. Аҳмад: «Набий ﷺданми?» деди. «Ҳа», дедим ва ушбу ҳадисни келтирдим. Шунда Аҳмад ибн Ҳанбал мендан ғазабланиб: «Роббингдан мағфират сўра, Роббингдан мағфират сўра!» деди.) Абу Исо айтди: Аҳмад ибн Ҳанбал бундай қилишига сабаб — у бу ҳадисни эътиборга олмас ва исноди ҳолатига кўра уни заиф санарди.