Abdulloh ibn Amr ibn al-Os (roziyallohu anhumo)dan rivoyat qilinadi: Rasululloh ﷺ: «Albatta, Alloh ilmni odamlardan tortib olish bilan koʻtarib qoʻymaydi, balki ilmni ulamolarni (vafot ettirib) olish bilan koʻtaradi. Nihoyat, biron bir olim qoldirmaganida, odamlar johillarni boshliq qilib oladilar. Bas, ulardan (savol) soʻralganda, ilmsiz fatvo beradilar. Shunday qilib, oʻzlari ham adashadilar, (boshqalarni) ham adashtiradilar», dedilar. Bu bobda Oisha va Ziyod ibn Labiddan ham (rivoyatlar bor). Abu Iso aytdi: Bu hadis hasan sahihdir. Bu hadisni az-Zuhriy ham Urvadan, u Abdulloh ibn Amrdan, yana Urvadan, u Oishadan, u Nabiy ﷺdan shunga oʻxshash rivoyat qilgan.Абдуллоҳ ибн Амр ибн ал-Ос (розияллоҳу анҳумо)дан ривоят қилинади: Расулуллоҳ ﷺ: «Албатта, Аллоҳ илмни одамлардан тортиб олиш билан кўтариб қўймайди, балки илмни уламоларни (вафот эттириб) олиш билан кўтаради. Ниҳоят, бирон бир олим қолдирмаганида, одамлар жоҳилларни бошлиқ қилиб оладилар. Бас, улардан (савол) сўралганда, илмсиз фатво берадилар. Шундай қилиб, ўзлари ҳам адашадилар, (бошқаларни) ҳам адаштирадилар», дедилар. Бу бобда Оиша ва Зиёд ибн Лабиддан ҳам (ривоятлар бор). Абу Исо айтди: Бу ҳадис ҳасан саҳиҳдир. Бу ҳадисни аз-Зуҳрий ҳам Урвадан, у Абдуллоҳ ибн Амрдан, яна Урвадан, у Оишадан, у Набий ﷺдан шунга ўхшаш ривоят қилган.