Navvos ibn Samʼon (roziyallohu anhu)dan rivoyat qilinadiki, Nabiy ﷺ: «(Qiyomatda) Qurʼon va dunyoda unga amal qilgan ahli keladi; uning oldida Baqara surasi va Oli Imron (suralari) boradi», dedilar. Navvos aytdi: Rasululloh ﷺ ular ikkisi haqida menga shu vaqtgacha unutmaydigan uchta misol keltirdilar. U zot: «Ular ikkisi goʻyo ikkita soyabondek, oʻrtalarida nur boʻlib, yoxud goʻyo ikkita qora bulutdek, yoki goʻyo qatorlashib uchayotgan qushlar soyasidek kelib, oʻz egasini himoya qilib bahslashadi», dedilar. Bu bobda Burayda va Abu Umomadan ham (rivoyat) bor. Abu Iso aytdi: Bu hadis bu jihatdan hasan gʻaribdir. Bu hadisning maʼnosi ilm ahli nazdida — uni oʻqish savobi keladi, deganidir. Baʼzi ilm ahli bu hadisni va shunga oʻxshash hadislarni shunday — Qurʼon oʻqish savobi keladi, deb tafsir qilgan. Navvosning Nabiy ﷺdan rivoyat qilgan hadisida ularning tafsiriga dalolat qiladigan narsa bor; chunki Nabiy ﷺ: «Va dunyoda unga amal qilgan ahli», dedilar. Bunda amal savobi keladi, deganga dalolat bor.Наввос ибн Самъон (розияллоҳу анҳу)дан ривоят қилинадики, Набий ﷺ: «(Қиёматда) Қуръон ва дунёда унга амал қилган аҳли келади; унинг олдида Бақара сураси ва Оли Имрон (суралари) боради», дедилар. Наввос айтди: Расулуллоҳ ﷺ улар иккиси ҳақида менга шу вақтгача унутмайдиган учта мисол келтирдилар. У зот: «Улар иккиси гўё иккита соябондек, ўрталарида нур бўлиб, ёхуд гўё иккита қора булутдек, ёки гўё қаторлашиб учаётган қушлар соясидек келиб, ўз эгасини ҳимоя қилиб баҳслашади», дедилар. Бу бобда Бурайда ва Абу Умомадан ҳам (ривоят) бор. Абу Исо айтди: Бу ҳадис бу жиҳатдан ҳасан ғарибдир. Бу ҳадиснинг маъноси илм аҳли наздида — уни ўқиш савоби келади, деганидир. Баъзи илм аҳли бу ҳадисни ва шунга ўхшаш ҳадисларни шундай — Қуръон ўқиш савоби келади, деб тафсир қилган. Наввоснинг Набий ﷺдан ривоят қилган ҳадисида уларнинг тафсирига далолат қиладиган нарса бор; чунки Набий ﷺ: «Ва дунёда унга амал қилган аҳли», дедилар. Бунда амал савоби келади, деганга далолат бор.