Uqba ibn Omir (roziyallohu anhu)dan rivoyat qilinadi: Men Rasululloh ﷺning shunday deganlarini eshitdim: «Qurʼonni ovoz chiqarib oʻqigan kishi sadaqani oshkora qilgan kishiga oʻxshaydi, Qurʼonni ichida (yashirin) oʻqigan kishi esa sadaqani yashirin qilgan kishiga oʻxshaydi». Abu Iso aytdi: Bu hadis hasan gʻaribdir. Bu hadisning maʼnosi shuki, Qurʼonni yashirin oʻqigan kishi uni ovoz chiqarib oʻqigan kishidan afzaldir. Chunki ilm ahli nazdida yashirin sadaqa oshkora sadaqadan afzaldir. Ilm ahli nazdida buning maʼnosi — kishi ujbdan (oʻziga maftunlikdan) omon boʻlishi uchundir; zero amalni yashirin qilgan kishi haqida, oshkora qilgan kishidan qoʻrqilganchalik ujbdan qoʻrqilmaydi.Уқба ибн Омир (розияллоҳу анҳу)дан ривоят қилинади: Мен Расулуллоҳ ﷺнинг шундай деганларини эшитдим: «Қуръонни овоз чиқариб ўқиган киши садақани ошкора қилган кишига ўхшайди, Қуръонни ичида (яширин) ўқиган киши эса садақани яширин қилган кишига ўхшайди». Абу Исо айтди: Бу ҳадис ҳасан ғарибдир. Бу ҳадиснинг маъноси шуки, Қуръонни яширин ўқиган киши уни овоз чиқариб ўқиган кишидан афзалдир. Чунки илм аҳли наздида яширин садақа ошкора садақадан афзалдир. Илм аҳли наздида бунинг маъноси — киши ужбдан (ўзига мафтунликдан) омон бўлиши учундир; зеро амални яширин қилган киши ҳақида, ошкора қилган кишидан қўрқилганчалик ужбдан қўрқилмайди.