حَدَّثَنَا مَحْمُودُ بْنُ غَيْلاَنَ، قَالَ حَدَّثَنَا أَبُو أُسَامَةَ، قَالَ حَدَّثَنَا الأَعْمَشُ، عَنْ أَبِي صَالِحٍ، عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم " مَنْ نَفَّسَ عَنْ أَخِيهِ كُرْبَةً مِنْ كُرَبِ الدُّنْيَا نَفَّسَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ وَمَنْ سَتَرَ مُسْلِمًا سَتَرَهُ اللَّهُ فِي الدُّنْيَا وَالآخِرَةِ وَمَنْ يَسَّرَ عَلَى مُعْسِرٍ يَسَّرَ اللَّهُ عَلَيْهِ فِي الدُّنْيَا وَالآخِرَةِ وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ وَمَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ طَرِيقًا إِلَى الْجَنَّةِ وَمَا قَعَدَ قَوْمٌ فِي مَسْجِدٍ يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ إِلاَّ نَزَلَتْ عَلَيْهِمُ السَّكِينَةُ وَغَشِيَتْهُمُ الرَّحْمَةُ وَحَفَّتْهُمُ الْمَلاَئِكَةُ وَمَنْ أَبْطَأَ بِهِ عَمَلُهُ لَمْ يُسْرِعْ بِهِ نَسَبُهُ " . قَالَ أَبُو عِيسَى هَكَذَا رَوَى غَيْرُ وَاحِدٍ عَنِ الأَعْمَشِ عَنْ أَبِي صَالِحٍ عَنْ أَبِي هُرَيْرَةَ عَنِ النَّبِيِّ صلى الله عليه وسلم مِثْلَ هَذَا الْحَدِيثِ وَرَوَى أَسْبَاطُ بْنُ مُحَمَّدٍ عَنِ الأَعْمَشِ قَالَ حُدِّثْتُ عَنْ أَبِي صَالِحٍ عَنْ أَبِي هُرَيْرَةَ عَنِ النَّبِيِّ صلى الله عليه وسلم . فَذَكَرَ بَعْضَ هَذَا الْحَدِيثِ .
Abu Hurayra (roziyallohu anhu)dan rivoyat qilinadi: Rasululloh ﷺ: «Kimki birodaridan dunyo gʻamlaridan bir gʻamni daf qilsa, Alloh undan qiyomat kuni gʻamlaridan bir gʻamni daf qiladi. Kimki bir musulmonning (aybini) yashirsa, Alloh uni dunyoda ham, oxiratda ham yashiradi. Kimki qiyinchilikda boʻlganga yengillik qilsa, Alloh unga dunyoda ham, oxiratda ham yengillik qiladi. Banda oʻz birodariga yordam berib turar ekan, Alloh ham bandaga yordam berib turadi. Kimki ilm izlab bir yoʻlga kirsa, Alloh unga jannatga (eltadigan) yoʻlni oson qiladi. Qaysi bir qavm masjidda oʻtirib, Allohning Kitobini tilovat qilib, oʻzaro uni oʻrganishsa, albatta ularga sakina (xotirjamlik) nozil boʻladi, ularni rahmat qoplaydi, farishtalar ularni oʻrab oladi va Alloh ularni Oʻz huzuridagilar (orasida) zikr qiladi. Kimni amali (orqada) sustlashtirsa, uni nasabi tezlashtira olmaydi», dedilar. Abu Iso aytdi: Aʼmashdan, u Abu Solihdan, u Abu Hurayradan, u Nabiy ﷺdan, deb bu hadisning aynisini bir necha kishi shunday rivoyat qilgan. Asbot ibn Muhammad esa Aʼmashdan: «Menga Abu Solihdan, u Abu Hurayradan, u Nabiy ﷺdan hadis aytildi», deb rivoyat qilib, bu hadisning baʼzisini zikr qilgan.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Кимки биродаридан дунё ғамларидан бир ғамни даф қилса, Аллоҳ ундан қиёмат куни ғамларидан бир ғамни даф қилади. Кимки бир мусулмоннинг (айбини) яширса, Аллоҳ уни дунёда ҳам, охиратда ҳам яширади. Кимки қийинчиликда бўлганга енгиллик қилса, Аллоҳ унга дунёда ҳам, охиратда ҳам енгиллик қилади. Банда ўз биродарига ёрдам бериб турар экан, Аллоҳ ҳам бандага ёрдам бериб туради. Кимки илм излаб бир йўлга кирса, Аллоҳ унга жаннатга (элтадиган) йўлни осон қилади. Қайси бир қавм масжидда ўтириб, Аллоҳнинг Китобини тиловат қилиб, ўзаро уни ўрганишса, албатта уларга сакина (хотиржамлик) нозил бўлади, уларни раҳмат қоплайди, фаришталар уларни ўраб олади ва Аллоҳ уларни Ўз ҳузуридагилар (орасида) зикр қилади. Кимни амали (орқада) сустлаштирса, уни насаби тезлаштира олмайди», дедилар. Абу Исо айтди: Аъмашдан, у Абу Солиҳдан, у Абу Ҳурайрадан, у Набий ﷺдан, деб бу ҳадиснинг айнисини бир неча киши шундай ривоят қилган. Асбот ибн Муҳаммад эса Аъмашдан: «Менга Абу Солиҳдан, у Абу Ҳурайрадан, у Набий ﷺдан ҳадис айтилди», деб ривоят қилиб, бу ҳадиснинг баъзисини зикр қилган.