Amr ibn Shurahbil Abu Maysara (rahimahulloh) Umar ibn al-Xattob (roziyallohu anhu)dan rivoyat qiladi: U: «Allohim, bizga xamr haqida shifobaxsh bir bayon qilgin!» dedi. Shunda Baqara surasidagi: {Sendan xamr va qimor haqida soʻraydilar} (Baqara 219) oyati nozil boʻldi. Umar chaqirilib, unga (bu oyat) oʻqib berildi. U yana: «Allohim, bizga xamr haqida shifobaxsh bir bayon qilgin!» dedi. Shunda Niso surasidagi: {Ey imon keltirganlar! Mast holingizda namozga yaqinlashmang} (Niso 43) oyati nozil boʻldi. Umar chaqirilib, unga (bu oyat) oʻqib berildi. U yana: «Allohim, bizga xamr haqida shifobaxsh bir bayon qilgin!» dedi. Shunda Moidadagi: {Shayton faqat xamr va qimor sababli oraingizga adovat va nafratni solishni... istaydi} (Moida 91) — {Endi siz toʻxtaysizmi?} soʻziga qadar (oyat) nozil boʻldi. Umar chaqirilib, unga (bu oyat) oʻqib berildi. Shunda u: «Toʻxtadik, toʻxtadik!» dedi. Abu Iso aytdi: Bu hadis Isroildan mursal qilib ham rivoyat qilingan. Va bu (Vakiʼning rivoyati) Muhammad ibn Yusufning hadisidan koʻra sahihroqdir.Амр ибн Шураҳбил Абу Майсара (раҳимаҳуллоҳ) Умар ибн ал-Хаттоб (розияллоҳу анҳу)дан ривоят қилади: У: «Аллоҳим, бизга хамр ҳақида шифобахш бир баён қилгин!» деди. Шунда Бақара сурасидаги: {Сендан хамр ва қимор ҳақида сўрайдилар} (Бақара 219) ояти нозил бўлди. Умар чақирилиб, унга (бу оят) ўқиб берилди. У яна: «Аллоҳим, бизга хамр ҳақида шифобахш бир баён қилгин!» деди. Шунда Нисо сурасидаги: {Эй имон келтирганлар! Маст ҳолингизда намозга яқинлашманг} (Нисо 43) ояти нозил бўлди. Умар чақирилиб, унга (бу оят) ўқиб берилди. У яна: «Аллоҳим, бизга хамр ҳақида шифобахш бир баён қилгин!» деди. Шунда Моидадаги: {Шайтон фақат хамр ва қимор сабабли ораингизга адоват ва нафратни солишни... истайди} (Моида 91) — {Энди сиз тўхтайсизми?} сўзига қадар (оят) нозил бўлди. Умар чақирилиб, унга (бу оят) ўқиб берилди. Шунда у: «Тўхтадик, тўхтадик!» деди. Абу Исо айтди: Бу ҳадис Исроилдан мурсал қилиб ҳам ривоят қилинган. Ва бу (Вакиънинг ривояти) Муҳаммад ибн Юсуфнинг ҳадисидан кўра саҳиҳроқдир.