حَدَّثَنَا عَبْدُ اللَّهِ بْنُ عَبْدِ الرَّحْمَنِ، أَخْبَرَنَا عُبَيْدُ اللَّهِ بْنُ مُوسَى، عَنْ إِسْرَائِيلَ، عَنِ السُّدِّيِّ، عَنْ أَبِيهِ، عَنْ أَبِي هُرَيْرَةَ، عَنِ النَّبِيِّ صلى الله عليه وسلم فِي قَوْلِ اللَّهِ : ( يَوْمَ نَدْعُو كُلَّ أُنَاسٍ بِإِمَامِهِمْ ) قَالَ " يُدْعَى أَحَدُهُمْ فَيُعْطَى كِتَابَهُ بِيَمِينِهِ وَيُمَدُّ لَهُ فِي جِسْمِهِ سِتُّونَ ذِرَاعًا وَيُبَيَّضُ وَجْهُهُ وَيُجْعَلُ عَلَى رَأْسِهِ تَاجٌ مِنْ لُؤْلُؤٍ يَتَلأْلأُ فَيَنْطَلِقُ إِلَى أَصْحَابِهِ فَيَرَوْنَهُ مِنْ بَعِيدٍ فَيَقُولُونَ اللَّهُمَّ ائْتِنَا بِهَذَا وَبَارِكْ لَنَا فِي هَذَا حَتَّى يَأْتِيَهُمْ فَيَقُولُ أَبْشِرُوا لِكُلِّ رَجُلٍ مِنْكُمْ مِثْلُ هَذَا . قَالَ وَأَمَّا الْكَافِرُ فَيُسَوَّدُ وَجْهُهُ وَيُمَدُّ لَهُ فِي جِسْمِهِ سِتُّونَ ذِرَاعًا عَلَى صُورَةِ آدَمَ فَيُلْبَسُ تَاجًا فَيَرَاهُ أَصْحَابُهُ فَيَقُولُونَ نَعُوذُ بِاللَّهِ مِنْ شَرِّ هَذَا اللَّهُمَّ لاَ تَأْتِنَا بِهَذَا . قَالَ فَيَأْتِيهِمْ فَيَقُولُونَ اللَّهُمَّ اخْزِهِ . فَيَقُولُ أَبْعَدَكُمُ اللَّهُ فَإِنَّ لِكُلِّ رَجُلٍ مِنْكُمْ مِثْلَ هَذَا " . قَالَ أَبُو عِيسَى هَذَا حَدِيثٌ حَسَنٌ غَرِيبٌ . وَالسُّدِّيُّ اسْمُهُ إِسْمَاعِيلُ بْنُ عَبْدِ الرَّحْمَنِ .
Abu Hurayra (roziyallohu anhu) Nabiy ﷺdan, Allohning {Biz har bir guruh odamlarni oʻz imomi bilan chaqiradigan kunda} (Isro 71) degan oyati haqida rivoyat qiladi: U zot: «Ulardan biri chaqirilib, kitobi oʻng qoʻliga beriladi, jismi oltmish gazga uzaytiriladi, yuzi oqartiriladi va boshiga yaltirab turuvchi marvariddan toj kiydiriladi. Soʻng u oʻz doʻstlari tomon yoʻl oladi, ular esa uni uzoqdan koʻrib: ‹Yo Alloh, buni bizga ham keltir va bizni ham bunda barakali qil›, deydilar. Toki u ularning oldiga kelib: ‹Suyunchi boʻlsin! Sizlarning har bir kishingiz uchun shunga oʻxshashi bordir›, deydi», dedilar. U zot dedilar: «Kofirga kelsak, uning yuzi qoraytiriladi, jismi Odam suratida oltmish gazga uzaytiriladi va unga toj kiydiriladi. Doʻstlari uni koʻrib: ‹Bunday yomonlikdan Allohdan panoh soʻraymiz. Yo Alloh, buni bizga keltirma›, deydilar. Soʻng u ularning oldiga kelganida, ular: ‹Yo Alloh, uni rasvo qil›, deydilar. U esa: ‹Alloh sizlarni (rahmatidan) yiroq qilsin! Albatta, har bir kishingiz uchun shunga oʻxshashi bordir›, deydi». Abu Iso aytdi: Bu hadis hasan gʻaribdir. Suddiyning ismi Ismoil ibn Abdurahmondir.Абу Ҳурайра (розияллоҳу анҳу) Набий ﷺдан, Аллоҳнинг {Биз ҳар бир гуруҳ одамларни ўз имоми билан чақирадиган кунда} (Исро 71) деган ояти ҳақида ривоят қилади: У зот: «Улардан бири чақирилиб, китоби ўнг қўлига берилади, жисми олтмиш газга узайтирилади, юзи оқартирилади ва бошига ялтираб турувчи марвариддан тож кийдирилади. Сўнг у ўз дўстлари томон йўл олади, улар эса уни узоқдан кўриб: ‹Ё Аллоҳ, буни бизга ҳам келтир ва бизни ҳам бунда баракали қил›, дейдилар. Токи у уларнинг олдига келиб: ‹Суюнчи бўлсин! Сизларнинг ҳар бир кишингиз учун шунга ўхшаши бордир›, дейди», дедилар. У зот дедилар: «Кофирга келсак, унинг юзи қорайтирилади, жисми Одам суратида олтмиш газга узайтирилади ва унга тож кийдирилади. Дўстлари уни кўриб: ‹Бундай ёмонликдан Аллоҳдан паноҳ сўраймиз. Ё Аллоҳ, буни бизга келтирма›, дейдилар. Сўнг у уларнинг олдига келганида, улар: ‹Ё Аллоҳ, уни расво қил›, дейдилар. У эса: ‹Аллоҳ сизларни (раҳматидан) йироқ қилсин! Албатта, ҳар бир кишингиз учун шунга ўхшаши бордир›, дейди». Абу Исо айтди: Бу ҳадис ҳасан ғарибдир. Суддийнинг исми Исмоил ибн Абдураҳмондир.