حَدَّثَنَا مَحْمُودُ بْنُ غَيْلاَنَ، حَدَّثَنَا أَبُو دَاوُدَ، وَيَزِيدُ بْنُ هَارُونَ، وَأَبُو الْوَلِيدِ، وَاللَّفْظُ، لَفْظُ يَزِيدَ وَالْمَعْنَى وَاحِدٌ عَنْ شُعْبَةَ، عَنْ عَمْرِو بْنِ مُرَّةَ، عَنْ عَبْدِ اللَّهِ بْنِ سَلِمَةَ، عَنْ صَفْوَانَ بْنِ عَسَّالٍ الْمُرَادِيِّ، أَنَّ يَهُودِيَّيْنِ، قَالَ أَحَدُهُمَا لِصَاحِبِهِ اذْهَبْ بِنَا إِلَى هَذَا النَّبِيِّ نَسْأَلُهُ فَقَالَ لاَ تَقُلْ لَهُ نَبِيٌّ فَإِنَّهُ إِنْ سَمِعَنَا نَقُولُ نَبِيٌّ كَانَتْ لَهُ أَرْبَعَةُ أَعْيُنٍ فَأَتَيَا النَّبِيَّ صلى الله عليه وسلم فَسَأَلاَهُ عَنْ قَوْلِ اللَّهِ عَزَّ وَجَلَّ : ( وَلَقَدْ آتَيْنَا مُوسَى تِسْعَ آيَاتٍ بَيِّنَاتٍ ) فَقَالَ رَسُولُ اللَّهِ صلى الله عليه وسلم " لاَ تُشْرِكُوا بِاللَّهِ شَيْئًا وَلاَ تَزْنُوا وَلاَ تَقْتُلُوا النَّفْسَ الَّتِي حَرَّمَ اللَّهُ إِلاَّ بِالْحَقِّ وَلاَ تَسْرِقُوا وَلاَ تَسْحَرُوا وَلاَ تَمْشُوا بِبَرِيءٍ إِلَى سُلْطَانٍ فَيَقْتُلَهُ وَلاَ تَأْكُلُوا الرِّبَا وَلاَ تَقْذِفُوا مُحْصَنَةً وَلاَ تَفِرُّوا مِنَ الزَّحْفِ شَكَّ شُعْبَةُ وَعَلَيْكُمُ الْيَهُودَ خَاصَّةً أَنْ لاَ تَعْدُوا فِي السَّبْتِ " . فَقَبَّلاَ يَدَيْهِ وَرِجْلَيْهِ وَقَالاَ نَشْهَدُ أَنَّكَ نَبِيٌّ . قَالَ " فَمَا يَمْنَعُكُمَا أَنْ تُسْلِمَا " . قَالاَ إِنَّ دَاوُدَ دَعَا اللَّهَ أَنْ لاَ يَزَالَ فِي ذُرِّيَّتِهِ نَبِيٌّ وَإِنَّا نَخَافُ إِنْ أَسْلَمْنَا أَنْ تَقْتُلَنَا الْيَهُودُ . قَالَ هَذَا حَدِيثٌ حَسَنٌ صَحِيحٌ .
Safvon ibn Assol al-Murodiy (roziyallohu anhu)dan rivoyat qilinadi: Ikki yahudiyning biri sherigiga: «Yur, bizni ushbu Paygʻamberning oldiga olib bor, undan soʻraymiz», dedi. Sherigi esa: «Unga ‹Paygʻambar› dema, chunki agar u bizning ‹Paygʻambar› deganimizni eshitsa, uning toʻrt koʻzi boʻladi (xursand boʻladi)», dedi. Soʻng ular Nabiy ﷺning oldiga kelib, undan Allohning {Batahqiq, Biz Musoga toʻqqizta ravshan oyat (moʻjiza) berdik} (Isro 101) degan oyati haqida soʻrashdi. Shunda Rasululloh ﷺ ularga: «Allohga hech narsani sherik qilmanglar, zino qilmanglar, Alloh harom qilgan jonni nohaq oʻldirmanglar, oʻgʻrilik qilmanglar, sehr qilmanglar, begunoh kishini oʻldirilishi uchun hokim huzuriga olib bormanglar, ribo (sudxoʻrlik) yemanglar, pokiza ayolga buhton qilmanglar, jang maydonidan qochmanglar — Shuʼba shubha qildi — va sizlar yahudiylarga xoski, shanba kunida tajovuz qilmanglar», dedilar. Shunda ikkovi u zotning qoʻllari va oyoqlarini oʻpib: «Biz guvohlik beramizki, sen Paygʻambarsan», deyishdi. U zot: «Unda sizlarni musulmon boʻlishdan nima toʻsyapti?» dedilar. Ular: «Dovud Allohga oʻz zurriyotidan Paygʻambar uzilmasligini soʻrab duo qilgan edi. Biz musulmon boʻlsak, yahudiylar bizni oʻldirishidan qoʻrqamiz», deyishdi. Abu Iso aytdi: Bu hadis hasan sahihdir.Сафвон ибн Ассол ал-Муродий (розияллоҳу анҳу)дан ривоят қилинади: Икки яҳудийнинг бири шеригига: «Юр, бизни ушбу Пайғамбернинг олдига олиб бор, ундан сўраймиз», деди. Шериги эса: «Унга ‹Пайғамбар› дема, чунки агар у бизнинг ‹Пайғамбар› деганимизни эшитса, унинг тўрт кўзи бўлади (хурсанд бўлади)», деди. Сўнг улар Набий ﷺнинг олдига келиб, ундан Аллоҳнинг {Батаҳқиқ, Биз Мусога тўққизта равшан оят (мўжиза) бердик} (Исро 101) деган ояти ҳақида сўрашди. Шунда Расулуллоҳ ﷺ уларга: «Аллоҳга ҳеч нарсани шерик қилманглар, зино қилманглар, Аллоҳ ҳаром қилган жонни ноҳақ ўлдирманглар, ўғрилик қилманглар, сеҳр қилманглар, бегуноҳ кишини ўлдирилиши учун ҳоким ҳузурига олиб борманглар, рибо (судхўрлик) еманглар, покиза аёлга буҳтон қилманглар, жанг майдонидан қочманглар — Шуъба шубҳа қилди — ва сизлар яҳудийларга хоски, шанба кунида тажовуз қилманглар», дедилар. Шунда иккови у зотнинг қўллари ва оёқларини ўпиб: «Биз гувоҳлик берамизки, сен Пайғамбарсан», дейишди. У зот: «Унда сизларни мусулмон бўлишдан нима тўсяпти?» дедилар. Улар: «Довуд Аллоҳга ўз зурриётидан Пайғамбар узилмаслигини сўраб дуо қилган эди. Биз мусулмон бўлсак, яҳудийлар бизни ўлдиришидан қўрқамиз», дейишди. Абу Исо айтди: Бу ҳадис ҳасан саҳиҳдир.