Anas ibn Molik (roziyallohu anhu)dan rivoyat qilinadiki, Rubayyiʼ binti an-Nazr Nabiy ﷺ huzurlariga keldi. Uning oʻgʻli Horisa ibn Suroqa Badr kunida nogahoniy bir oʻq tegib shahid boʻlgan edi. U Rasululloh ﷺ huzurlariga kelib: «Menga Horisa haqida xabar bering. Agar u yaxshilikka (jannatga) erishgan boʻlsa, sabr qilib, savobini Allohdan kutaman; agar yaxshilikka erishmagan boʻlsa, unga duo qilishda jahd qilaman», dedi. Shunda Nabiy ﷺ: «Ey Ummu Horisa, u yerda (jannatda) koʻplab bogʻlar bordir. Albatta, sening oʻgʻling eng oliy Firdavsga erishdi. Firdavs esa jannatning eng baland, eng oʻrtacha va eng afzal joyidir», dedilar. Abu Iso aytdi: Bu hadis Anasning rivoyatidan hasan sahih gʻaribdir.Анас ибн Молик (розияллоҳу анҳу)дан ривоят қилинадики, Рубаййиъ бинти ан-Назр Набий ﷺ ҳузурларига келди. Унинг ўғли Ҳориса ибн Суроқа Бадр кунида ногаҳоний бир ўқ тегиб шаҳид бўлган эди. У Расулуллоҳ ﷺ ҳузурларига келиб: «Менга Ҳориса ҳақида хабар беринг. Агар у яхшиликка (жаннатга) эришган бўлса, сабр қилиб, савобини Аллоҳдан кутаман; агар яхшиликка эришмаган бўлса, унга дуо қилишда жаҳд қиламан», деди. Шунда Набий ﷺ: «Эй Умму Ҳориса, у ерда (жаннатда) кўплаб боғлар бордир. Албатта, сенинг ўғлинг энг олий Фирдавсга эришди. Фирдавс эса жаннатнинг энг баланд, энг ўртача ва энг афзал жойидир», дедилар. Абу Исо айтди: Бу ҳадис Анаснинг ривоятидан ҳасан саҳиҳ ғарибдир.