Nabiy ﷺning oʻgay oʻgli Umar ibn Abu Salama (roziyallohu anhu)dan rivoyat qilinadi: U aytdi: Nabiy ﷺga Ummu Salamaning uyida ushbu oyat: {Alloh sizlardan, ey Ahli bayt, faqat nopoklikni ketkazishni va sizlarni butunlay poklashni istaydi, xolos} (Ahzob 33) nozil boʻlganda, u zot Fotima, Hasan va Husaynni chaqirib, ularni bir choponga oʻradilar, Ali esa u zotning orqalarida edi, uni ham choponga oʻradilar. Soʻng: «Ey Alloh, anavilar mening ahli baytim, ulardan nopoklikni ketkaz va ularni butunlay poklagin», dedilar. Ummu Salama: «Men ham ular bilan birgamanmi, ey Allohning Nabiysi?» dedi. U zot: «Sen oʻz oʻrningdasan va sen yaxshilik (panohi)dasan», dedilar. Abu Iso aytdi: Bu hadis shu yoʻldan — Atoning Umar ibn Abu Salamadan rivoyatidan — gʻaribdir.Набий ﷺнинг ўгай ўгли Умар ибн Абу Салама (розияллоҳу анҳу)дан ривоят қилинади: У айтди: Набий ﷺга Умму Саламанинг уйида ушбу оят: {Аллоҳ сизлардан, эй Аҳли байт, фақат нопокликни кетказишни ва сизларни бутунлай поклашни истайди, холос} (Аҳзоб 33) нозил бўлганда, у зот Фотима, Ҳасан ва Ҳусайнни чақириб, уларни бир чопонга ўрадилар, Али эса у зотнинг орқаларида эди, уни ҳам чопонга ўрадилар. Сўнг: «Эй Аллоҳ, анавилар менинг аҳли байтим, улардан нопокликни кетказ ва уларни бутунлай поклагин», дедилар. Умму Салама: «Мен ҳам улар билан биргаманми, эй Аллоҳнинг Набийси?» деди. У зот: «Сен ўз ўрнингдасан ва сен яхшилик (паноҳи)дасан», дедилар. Абу Исо айтди: Бу ҳадис шу йўлдан — Атонинг Умар ибн Абу Саламадан ривоятидан — ғарибдир.