Oisha (roziyallohu anho)dan rivoyat qilinadi: U aytdi: Rasululloh ﷺ ayollarini (ixtiyor) tanlovga qoʻyishga buyurilganlarida mendan boshladilar va: «Ey Oisha, men senga bir ishni eslatmoqchiman, ota-onang bilan maslahatlashmaguningcha shoshilmasang (yaxshi)dir», dedilar. (Oisha) aytdi: U zot ota-onam meni u zotdan ajralishga buyurmasligini bilar edilar. (Oisha) aytdi: Soʻng u zot: «Albatta Alloh taolo: {Ey Nabiy, juftlaringga ayt: agar dunyo hayotini va uning ziynatini istasangiz, kelinglar...} — {sizlardan chiroyli amal qiluvchilarga ulkan ajr (tayyorlab qoʻyganman)} (Ahzob 28-29)gacha — deydi», dedilar. Men: «Bu haqda men nimani ota-onam bilan maslahatlashay? Men albatta Allohni, Uning Rasulini va oxirat diyorini istayman», dedim. Nabiy ﷺning (boshqa) juftlari ham men qilgandek qilishdi. Abu Iso aytdi: Bu hadis hasan sahihdir. Bu (hadis) az-Zuhriydan, u Urvadan, u Oisha (roziyallohu anho)dan ham rivoyat qilingan.Оиша (розияллоҳу анҳо)дан ривоят қилинади: У айтди: Расулуллоҳ ﷺ аёлларини (ихтиёр) танловга қўйишга буюрилганларида мендан бошладилар ва: «Эй Оиша, мен сенга бир ишни эслатмоқчиман, ота-онанг билан маслаҳатлашмагунингча шошилмасанг (яхши)дир», дедилар. (Оиша) айтди: У зот ота-онам мени у зотдан ажралишга буюрмаслигини билар эдилар. (Оиша) айтди: Сўнг у зот: «Албатта Аллоҳ таоло: {Эй Набий, жуфтларингга айт: агар дунё ҳаётини ва унинг зийнатини истасангиз, келинглар...} — {сизлардан чиройли амал қилувчиларга улкан ажр (тайёрлаб қўйганман)} (Аҳзоб 28-29)гача — дейди», дедилар. Мен: «Бу ҳақда мен нимани ота-онам билан маслаҳатлашай? Мен албатта Аллоҳни, Унинг Расулини ва охират диёрини истайман», дедим. Набий ﷺнинг (бошқа) жуфтлари ҳам мен қилгандек қилишди. Абу Исо айтди: Бу ҳадис ҳасан саҳиҳдир. Бу (ҳадис) аз-Зуҳрийдан, у Урвадан, у Оиша (розияллоҳу анҳо)дан ҳам ривоят қилинган.