Abdulloh ibn Zubayr (roziyallohu anhumo)dan rivoyat qilinadi: Aqraʼ ibn Hobis Nabiy ﷺ huzuriga keldi. Abu Bakr: «Yo Rasululloh, uni oʻz qavmiga (amir qilib) tayinlang», dedi. Umar esa: «Uni tayinlamang, yo Rasululloh», dedi. Ular Nabiy ﷺning huzurida tortishdilar, hatto ovozlari koʻtarilib ketdi. Abu Bakr Umarga: «Sen menga qarshi chiqishni xohlading, xolos», dedi. Umar: «Men senga qarshi chiqishni xohlaganim yoʻq», dedi. Shunda ushbu oyat nozil boʻldi: {Ey iymon keltirganlar, ovozlaringizni Nabiyning ovozidan ustun koʻtarmangiz} (Hujurot 2). Shundan keyin Umar ibn al-Xattob Nabiy ﷺning huzurida gapirganida, u zot soʻrab olmagunlaricha gapini eshittirmaydigan boʻldi. (Roviy) aytdi: Ibn Zubayr bobosini, yaʼni Abu Bakrni (bu oʻrinda boshqacha) zikr qilmadi. Abu Iso aytdi: Bu hadis hasan gʻaribdir. Baʼzilar uni Ibn Abu Mulaykadan mursal qilib rivoyat qilganlar va unda Abdulloh ibn Zubayrni zikr qilmaganlar.Абдуллоҳ ибн Зубайр (розияллоҳу анҳумо)дан ривоят қилинади: Ақраъ ибн Ҳобис Набий ﷺ ҳузурига келди. Абу Бакр: «Ё Расулуллоҳ, уни ўз қавмига (амир қилиб) тайинланг», деди. Умар эса: «Уни тайинламанг, ё Расулуллоҳ», деди. Улар Набий ﷺнинг ҳузурида тортишдилар, ҳатто овозлари кўтарилиб кетди. Абу Бакр Умарга: «Сен менга қарши чиқишни хоҳладинг, холос», деди. Умар: «Мен сенга қарши чиқишни хоҳлаганим йўқ», деди. Шунда ушбу оят нозил бўлди: {Эй иймон келтирганлар, овозларингизни Набийнинг овозидан устун кўтармангиз} (Ҳужурот 2). Шундан кейин Умар ибн ал-Хаттоб Набий ﷺнинг ҳузурида гапирганида, у зот сўраб олмагунларича гапини эшиттирмайдиган бўлди. (Ровий) айтди: Ибн Зубайр бобосини, яъни Абу Бакрни (бу ўринда бошқача) зикр қилмади. Абу Исо айтди: Бу ҳадис ҳасан ғарибдир. Баъзилар уни Ибн Абу Мулайкадан мурсал қилиб ривоят қилганлар ва унда Абдуллоҳ ибн Зубайрни зикр қилмаганлар.