حَدَّثَنَا عَبْدُ بْنُ حُمَيْدٍ، حَدَّثَنَا جَعْفَرُ بْنُ عَوْنٍ، أَخْبَرَنَا أَبُو جَنَابٍ الْكَلْبِيُّ، عَنِ الضَّحَّاكِ بْنِ مُزَاحِمٍ، عَنِ ابْنِ عَبَّاسٍ، رضى الله عنهما قَالَ مَنْ كَانَ لَهُ مَالٌ يُبَلِّغُهُ حَجَّ بَيْتِ رَبِّهِ أَوْ تَجِبُ عَلَيْهِ فِيهِ الزَّكَاةُ فَلَمْ يَفْعَلْ سَأَلَ الرَّجْعَةَ عِنْدَ الْمَوْتِ . فَقَالَ رَجُلٌ يَا ابْنَ عَبَّاسٍ اتَّقِ اللَّهَ إِنَّمَا سَأَلَ الرَّجْعَةَ الْكُفَّارُ قَالَ سَأَتْلُو عَلَيْكَ بِذَلِكَ قُرْآنًا : ( يا أَيُّهَا الَّذِينَ آمَنُوا لاَ تُلْهِكُمْ أَمْوَالُكُمْ وَلاَ أَوْلاَدُكُمْ عَنْ ذِكْرِ اللَّهِ ) : (وأَنْفِقُوا مِمَّا رَزَقْنَاكُمْ مِنْ قَبْلِ أَنْ يَأْتِيَ أَحَدَكُمُ الْمَوْتُ ) إِلَى قَوْلِهِ : ( واللَّهُ خَبِيرٌ بِمَا تَعْمَلُونَ ) قَالَ فَمَا يُوجِبُ الزَّكَاةَ قَالَ إِذَا بَلَغَ الْمَالُ مِائَتَىْ دِرْهَمٍ فَصَاعِدًا . قَالَ فَمَا يُوجِبُ الْحَجَّ قَالَ الزَّادُ وَالْبَعِيرُ . حَدَّثَنَا عَبْدُ بْنُ حُمَيْدٍ، حَدَّثَنَا عَبْدُ الرَّزَّاقِ، عَنِ الثَّوْرِيِّ، عَنْ يَحْيَى بْنِ أَبِي حَيَّةَ، عَنِ الضَّحَّاكِ، عَنِ ابْنِ عَبَّاسٍ، عَنِ النَّبِيِّ صلى الله عليه وسلم بِنَحْوِهِ . وَقَالَ هَكَذَا رَوَى سُفْيَانُ بْنُ عُيَيْنَةَ، وَغَيْرُ، وَاحِدٍ، هَذَا الْحَدِيثَ عَنْ أَبِي جَنَابٍ، عَنِ الضَّحَّاكِ، عَنِ ابْنِ عَبَّاسٍ، قَوْلُهُ وَلَمْ يَرْفَعْهُ . وَهَذَا أَصَحُّ مِنْ رِوَايَةِ عَبْدِ الرَّزَّاقِ . وَأَبُو جَنَابٍ الْقَصَّابُ اسْمُهُ يَحْيَى بْنُ أَبِي حَيَّةَ وَلَيْسَ هُوَ بِالْقَوِيِّ فِي الْحَدِيثِ .
Ibn Abbos (roziyallohu anhumo)dan rivoyat qilinadi: U dedi: «Kimning Robbisining uyiga haj qilishga yetadigan moli boʻlsa, yoki unga zakot vojib boʻlsa-yu, buni qilmasa, oʻlim paytida (dunyoga) qaytarilishini soʻraydi». Bir kishi: «Ey Ibn Abbos, Allohdan qoʻrq! (Dunyoga) qaytarishni faqat kofirlar soʻraydi-ku», dedi. U: «Buning haqida senga Qurʼondan tilovat qilib beraman», dedi: {Ey iymon keltirganlar, mol-dunyongiz va bolalaringiz sizni Allohni zikr qilishdan chalgʻitmasin} {Va birovingizga oʻlim kelishidan oldin sizga rizq qilib berganimizdan infoq qilingiz} — to {Va Alloh qilayotgan amallaringizdan xabardordir} oyatigacha (Munofiqun 9-11). (Kishi): «Zakotni nima vojib qiladi?» dedi. U: «Mol ikki yuz dirhamga yoki undan koʻproqqa yetsa», dedi. (Kishi): «Hajni nima vojib qiladi?» dedi. U: «Ozuqa va tuya», dedi. Abu Iso aytdi: Sufyon ibn Uyayna va boshqa koʻplab (roviylar) bu hadisni Abu Janob orqali, Zahhokdan, Ibn Abbosdan uning oʻz soʻzi sifatida rivoyat qilganlar va uni marfuʼ qilmaganlar. Bu Abdurrazzoqning rivoyatidan sahihroqdir. Abu Janob al-Qassobning ismi Yahyo ibn Abu Hayyadir, u hadisda kuchli (roviy) emas.Ибн Аббос (розияллоҳу анҳумо)дан ривоят қилинади: У деди: «Кимнинг Роббисининг уйига ҳаж қилишга етадиган моли бўлса, ёки унга закот вожиб бўлса-ю, буни қилмаса, ўлим пайтида (дунёга) қайтарилишини сўрайди». Бир киши: «Эй Ибн Аббос, Аллоҳдан қўрқ! (Дунёга) қайтаришни фақат кофирлар сўрайди-ку», деди. У: «Бунинг ҳақида сенга Қуръондан тиловат қилиб бераман», деди: {Эй иймон келтирганлар, мол-дунёнгиз ва болаларингиз сизни Аллоҳни зикр қилишдан чалғитмасин} {Ва бировингизга ўлим келишидан олдин сизга ризқ қилиб берганимиздан инфоқ қилингиз} — то {Ва Аллоҳ қилаётган амалларингиздан хабардордир} оятигача (Мунофиқун 9-11). (Киши): «Закотни нима вожиб қилади?» деди. У: «Мол икки юз дирҳамга ёки ундан кўпроққа етса», деди. (Киши): «Ҳажни нима вожиб қилади?» деди. У: «Озуқа ва туя», деди. Абу Исо айтди: Суфён ибн Уяйна ва бошқа кўплаб (ровийлар) бу ҳадисни Абу Жаноб орқали, Заҳҳокдан, Ибн Аббосдан унинг ўз сўзи сифатида ривоят қилганлар ва уни марфуъ қилмаганлар. Бу Абдурраззоқнинг ривоятидан саҳиҳроқдир. Абу Жаноб ал-Қассобнинг исми Яҳё ибн Абу Ҳайядир, у ҳадисда кучли (ровий) эмас.