Anas ibn Molik (roziyallohu anhu) qavmidan boʻlgan Molik ibn Sahʼsahʼadan rivoyat qiladiki, Nabiy ﷺ: «Men (Kaʼba) yonida uyqu bilan uygʻoqlik orasida turganimda, bir aytuvchining ‹Uchovi orasidagi biri› deyayotganini eshitdim. Bas, menga ichida Zamzam suvi boʻlgan oltindan bir tos keltirildi va koʻksim falon joygacha yorildi», dedilar. Qatoda aytdi: Men Anas ibn Molikdan: «Bu nimani anglatadi?» deb soʻradim. U: «Qornimning ostigacha (deganlar)», dedi. (Nabiy ﷺ) dedilar: «Soʻng qalbim chiqarilib, Zamzam suvi bilan yuvildi, keyin joyiga qaytarildi, soʻng iymon va hikmatga toʻldirildi». Bu hadisda uzun qissa bor. Abu Iso aytdi: Bu hadis hasan sahihdir. Uni Hishom ad-Dastavoiy va Hammom ham Qatodadan rivoyat qilganlar. Bu bobda Abu Zardan (ham rivoyat) bor.Анас ибн Молик (розияллоҳу анҳу) қавмидан бўлган Молик ибн Саҳъсаҳъадан ривоят қиладики, Набий ﷺ: «Мен (Каъба) ёнида уйқу билан уйғоқлик орасида турганимда, бир айтувчининг ‹Учови орасидаги бири› деяётганини эшитдим. Бас, менга ичида Замзам суви бўлган олтиндан бир тос келтирилди ва кўксим фалон жойгача ёрилди», дедилар. Қатода айтди: Мен Анас ибн Моликдан: «Бу нимани англатади?» деб сўрадим. У: «Қорнимнинг остигача (деганлар)», деди. (Набий ﷺ) дедилар: «Сўнг қалбим чиқарилиб, Замзам суви билан ювилди, кейин жойига қайтарилди, сўнг иймон ва ҳикматга тўлдирилди». Бу ҳадисда узун қисса бор. Абу Исо айтди: Бу ҳадис ҳасан саҳиҳдир. Уни Ҳишом ад-Даставоий ва Ҳаммом ҳам Қатодадан ривоят қилганлар. Бу бобда Абу Зардан (ҳам ривоят) бор.