حَدَّثَنَا مُحَمَّدُ بْنُ بَشَّارٍ، قَالَ حَدَّثَنَا أَبُو دَاوُدَ، قَالَ حَدَّثَنَا السَّكَنُ بْنُ الْمُغِيرَةِ، وَيُكْنَى أَبَا مُحَمَّدٍ، مَوْلًى لآلِ عُثْمَانَ قَالَ حَدَّثَنَا الْوَلِيدُ بْنُ أَبِي هِشَامٍ، عَنْ فَرْقَدٍ أَبِي طَلْحَةَ، عَنْ عَبْدِ الرَّحْمَنِ بْنِ خَبَّابٍ، قَالَ شَهِدْتُ النَّبِيَّ صلى الله عليه وسلم وَهُوَ يَحُثُّ عَلَى جَيْشِ الْعُسْرَةِ فَقَامَ عُثْمَانُ بْنُ عَفَّانَ فَقَالَ يَا رَسُولَ اللَّهِ عَلَىَّ مِائَةُ بَعِيرٍ بِأَحْلاَسِهَا وَأَقْتَابِهَا فِي سَبِيلِ اللَّهِ . ثُمَّ حَضَّ عَلَى الْجَيْشِ فَقَامَ عُثْمَانُ بْنُ عَفَّانَ فَقَالَ يَا رَسُولَ اللَّهِ عَلَىَّ مِائَتَا بَعِيرٍ بِأَحْلاَسِهَا وَأَقْتَابِهَا فِي سَبِيلِ اللَّهِ . ثُمَّ حَضَّ عَلَى الْجَيْشِ فَقَامَ عُثْمَانُ بْنُ عَفَّانَ فَقَالَ يَا رَسُولَ اللَّهِ لِلَّهِ عَلَىَّ ثَلاَثُمِائَةِ بَعِيرٍ بِأَحْلاَسِهَا وَأَقْتَابِهَا فِي سَبِيلِ اللَّهِ . فَأَنَا رَأَيْتُ رَسُولَ اللَّهِ صلى الله عليه وسلم يَنْزِلُ عَنِ الْمِنْبَرِ وَهُوَ يَقُولُ " مَا عَلَى عُثْمَانَ مَا عَمِلَ بَعْدَ هَذِهِ مَا عَلَى عُثْمَانَ مَا عَمِلَ بَعْدَ هَذِهِ " . قَالَ أَبُو عِيسَى هَذَا حَدِيثٌ غَرِيبٌ مِنْ هَذَا الْوَجْهِ لاَ نَعْرِفُهُ إِلاَّ مِنْ حَدِيثِ السَّكَنِ بْنِ الْمُغِيرَةِ . وَفِي الْبَابِ عَنْ عَبْدِ الرَّحْمَنِ بْنِ سَمُرَةَ .
Abdurrahmon ibn Xabbob (roziyallohu anhu)dan rivoyat qilinadi: Men Nabiy ﷺ ‹Usra qoʻshini›ga (hissa qoʻshishga) undayotganlarida hozir boʻldim. Shunda Usmon ibn Affon turib: «Ey Rasululloh, zimmamda Alloh yoʻlida toʻqimi va egar-jabduqlari bilan birga yuzta tuya bor», dedi. Soʻng u zot yana qoʻshinga (yordam berishga) undadilar. Usmon ibn Affon turib: «Ey Rasululloh, zimmamda Alloh yoʻlida toʻqimi va egar-jabduqlari bilan birga ikki yuzta tuya bor», dedi. Soʻng u zot yana qoʻshinga undadilar. Usmon ibn Affon turib: «Ey Rasululloh, zimmamda Alloh uchun Alloh yoʻlida toʻqimi va egar-jabduqlari bilan birga uch yuzta tuya bor», dedi. Men Rasululloh ﷺni minbardan tushayotib: «Bundan keyin Usmon nima qilsa ham unga (zarar) yoʻq! Bundan keyin Usmon nima qilsa ham unga (zarar) yoʻq!» deyayotganlarini koʻrdim. Abu Iso aytdi: Bu hadis bu vajhdan gʻaribdir, biz uni faqat Sakan ibn al-Mugʻiyra hadisidan bilamiz. Bu bobda Abdurrahmon ibn Samuradan ham (rivoyat) bor.Абдурраҳмон ибн Хаббоб (розияллоҳу анҳу)дан ривоят қилинади: Мен Набий ﷺ ‹Усра қўшини›га (ҳисса қўшишга) ундаётганларида ҳозир бўлдим. Шунда Усмон ибн Аффон туриб: «Эй Расулуллоҳ, зиммамда Аллоҳ йўлида тўқими ва эгар-жабдуқлари билан бирга юзта туя бор», деди. Сўнг у зот яна қўшинга (ёрдам беришга) ундадилар. Усмон ибн Аффон туриб: «Эй Расулуллоҳ, зиммамда Аллоҳ йўлида тўқими ва эгар-жабдуқлари билан бирга икки юзта туя бор», деди. Сўнг у зот яна қўшинга ундадилар. Усмон ибн Аффон туриб: «Эй Расулуллоҳ, зиммамда Аллоҳ учун Аллоҳ йўлида тўқими ва эгар-жабдуқлари билан бирга уч юзта туя бор», деди. Мен Расулуллоҳ ﷺни минбардан тушаётиб: «Бундан кейин Усмон нима қилса ҳам унга (зарар) йўқ! Бундан кейин Усмон нима қилса ҳам унга (зарар) йўқ!» деяётганларини кўрдим. Абу Исо айтди: Бу ҳадис бу важҳдан ғарибдир, биз уни фақат Сакан ибн ал-Муғийра ҳадисидан биламиз. Бу бобда Абдурраҳмон ибн Самурадан ҳам (ривоят) бор.