Abdulloh ibn Masʼud (roziyallohu anhu)dan rivoyat qilinadi: Rasululloh ﷺ: «Hech kim menga sahobalarimning birortasi haqida (yomon) biror narsani yetkazmasin. Chunki men ularning oldiga koʻkragim toza (gina-kuduratdan xoli) holda chiqishni yoqtiraman», dedilar. Abdulloh aytdi: Rasulullohga ﷺ bir mol keltirildi, u zot uni taqsimladilar. Men oʻtirgan ikki kishining oldiga yetib bordim, ular: «Vallohi, Muhammad ﷺ bu qilgan taqsimoti bilan Alloh yuzini ham, oxirat diyorini ham iroda qilmadi», deyishardi. Buni eshitganimda (haqiqatini) tekshirib, Rasulullohning ﷺ oldilariga keldim va u zotga xabar berdim. Shunda u zotning yuzlari qizarib ketdi va: «Meni qoʻy (bu gapdan voz kech). Muso (alayhissalom) bundan koʻproq aziyat berildi, lekin u sabr qildi», dedilar. Abu Iso aytdi: Bu hadis bu yoʻldan gʻaribdir. Bu isnodga bir kishi (ziyoda) qoʻshilgan.Абдуллоҳ ибн Масъуд (розияллоҳу анҳу)дан ривоят қилинади: Расулуллоҳ ﷺ: «Ҳеч ким менга саҳобаларимнинг бирортаси ҳақида (ёмон) бирор нарсани етказмасин. Чунки мен уларнинг олдига кўкрагим тоза (гина-кудуратдан холи) ҳолда чиқишни ёқтираман», дедилар. Абдуллоҳ айтди: Расулуллоҳга ﷺ бир мол келтирилди, у зот уни тақсимладилар. Мен ўтирган икки кишининг олдига етиб бордим, улар: «Валлоҳи, Муҳаммад ﷺ бу қилган тақсимоти билан Аллоҳ юзини ҳам, охират диёрини ҳам ирода қилмади», дейишарди. Буни эшитганимда (ҳақиқатини) текшириб, Расулуллоҳнинг ﷺ олдиларига келдим ва у зотга хабар бердим. Шунда у зотнинг юзлари қизариб кетди ва: «Мени қўй (бу гапдан воз кеч). Мусо (алайҳиссалом) бундан кўпроқ азият берилди, лекин у сабр қилди», дедилар. Абу Исо айтди: Бу ҳадис бу йўлдан ғарибдир. Бу иснодга бир киши (зиёда) қўшилган.