حَدَّثَنَا أَبُو كُرَيْبٍ، مُحَمَّدُ بْنُ الْعَلاَءِ حَدَّثَنَا وَكِيعٌ، حَدَّثَنَا عَبَّادُ بْنُ مَنْصُورٍ، حَدَّثَنَا الْقَاسِمُ بْنُ مُحَمَّدٍ، قَالَ سَمِعْتُ أَبَا هُرَيْرَةَ، يَقُولُ قَالَ رَسُولُ اللَّهِ صلى الله عليه وسلم " إِنَّ اللَّهَ يَقْبَلُ الصَّدَقَةَ وَيَأْخُذُهَا بِيَمِينِهِ فَيُرَبِّيهَا لأَحَدِكُمْ كَمَا يُرَبِّي أَحَدُكُمْ مُهْرَهُ حَتَّى إِنَّ اللُّقْمَةَ لَتَصِيرُ مِثْلَ أُحُدٍ " . وَتَصْدِيقُ ذَلِكَ فِي كِتَابِ اللَّهِ عَزَّ وَجَلَّ (وهُوَ الَّذِي يَقبَلُ التَّوبَةَ عَنْ عِبَادِهِ ) ويَأْخُذُ الصَّدَقَاتِ (يَمْحَقُ الله الرَّبَا ويُرْبِي الصَّدَقَاتِ). قَالَ أَبُو عِيسَى: هَذَا حَدِيثٌ حَسَنٌ صَحِيحٌ. وَقَدْ رُوِيَ عَنْ عَائِشَةَ عَنِ النَّبِيِّ صَلَّى اللَّهُ عَلَيْهِ وَسَلَّمَ نَحْوُ هَذَا. وَقَدْ قَالَ غَيْرُ وَاحِدٍ مِنْ أَهْلِ الْعِلْمِ فِي هَذَا الْحَدِيثِ وَمَا يُشْبِهُ هَذَا مِنَ الرِّوَايَاتِ مِنَ الصِّفَاتِ وَنُزُولِ الرَّبِّ تَبَارَكَ وَتَعَالَى كُلَّ لَيْلَةٍ إِلَى السَّمَاءِ الدُّنْيَا قَالُوا قَدْ تَثْبُتُ الرِّوَايَاتُ فِي هَذَا وَيُؤْمَنُ بِهَا وَلاَ يُتَوَهَّمُ وَلاَ يُقَالُ كَيْفَ هَكَذَا رُوِيَ عَنْ مَالِكٍ وَسُفْيَانَ بْنِ عُيَيْنَةَ وَعَبْدِ اللَّهِ بْنِ الْمُبَارَكِ أَنَّهُمْ قَالُوا فِي هَذِهِ الأَحَادِيثِ أَمِرُّوهَا بِلاَ كَيْفٍ. وَهَكَذَا قَوْلُ أَهْلِ الْعِلْمِ مِنْ أَهْلِ السُّنَّةِ وَالْجَمَاعَةِ. وَأَمَّا الْجَهْمِيَّةُ فَأَنْكَرَتْ هَذِهِ الرِّوَايَاتِ وَقَالُوا هَذَا تَشْبِيهٌ. وَقَدْ ذَكَرَ اللَّهُ عَزَّ وَجَلَّ فِي غَيْرِ مَوْضِعٍ مِنْ كِتَابِهِ الْيَدَ وَالسَّمْعَ وَالْبَصَرَ فَتَأَوَّلَتِ الْجَهْمِيَّةُ هَذِهِ الآيَاتِ فَفَسَّرُوهَا عَلَى غَيْرِ مَا فَسَّرَ أَهْلُ الْعِلْمِ وَقَالُوا إِنَّ اللَّهَ لَمْ يَخْلُقْ آدَمَ بِيَدِهِ. وَقَالُوا إِنَّ مَعْنَى الْيَدِ هَاهُنَا الْقُوَّةُ. وَقَالَ إِسْحَاقُ بْنُ إِبْرَاهِيمَ إِنَّمَا يَكُونُ التَّشْبِيهُ إِذَا قَالَ يَدٌ كَيَدٍ أَوْ مِثْلُ يَدٍ أَوْ سَمْعٌ كَسَمْعٍ أَوْ مِثْلُ سَمْعٍ. فَإِذَا قَالَ سَمْعٌ كَسَمْعٍ أَوْ مِثْلُ سَمْعٍ فَهَذَا التَّشْبِيهُ وَأَمَّا إِذَا قَالَ كَمَا قَالَ اللَّهُ تَعَالَى يَدٌ وَسَمْعٌ وَبَصَرٌ وَلاَ يَقُولُ كَيْفَ وَلاَ يَقُولُ مِثْلُ سَمْعٍ وَلاَ كَسَمْعٍ فَهَذَا لاَ يَكُونُ تَشْبِيهًا وَهُوَ كَمَا قَالَ اللَّهُ تَعَالَى فِي كِتَابِهِ: {لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ}.
Abu Hurayra (roziyallohu anhu)dan rivoyat qilinadi: Rasululloh ﷺ: «Albatta, Alloh sadaqani qabul qiladi va uni oʻng (qoʻli) bilan oladi-da, sizlardan biringiz toychogʻini tarbiyalaganidek, uni sizlardan biringiz uchun parvarish qiladi, hatto bir luqma Uhud (togʻi)dek boʻlib qoladi», dedilar. Buning tasdigʻi azza va jalla Allohning Kitobida bordir: {Bandalaridan tavbani qabul qilguvchi Uning Oʻzidir} hamda sadaqalarni oladi: {Alloh ribohoʻrlikni mahv etadi va sadaqalarni ziyoda qiladi}. Abu Iso aytdi: Bu hadis hasan sahihdir. Oishadan ham Paygʻambar ﷺdan shunga oʻxshash rivoyat qilingan. Ilm ahlidan koʻp kishilar bu hadis va unga oʻxshash sifatlar hamda Rabb taborak va taoloning har kecha dunyo osmoniga tushishi haqidagi rivoyatlar xususida: «Bu xildagi rivoyatlar sobit boʻladi, ularga iymon keltiriladi, (uning kayfiyati) tasavvur qilinmaydi va ‹qanday?› deb soʻralmaydi», deganlar. Shu tarzda Molik, Sufyon ibn Uyayna va Abdulloh ibn Muborakdan rivoyat qilinganki, ular bu hadislar haqida: «Ularni kayfiyatsiz (oʻtkazib) qoʻyaveringlar», deganlar. Ahli sunna val-jamoadan boʻlgan ilm ahlining soʻzi shudir. Jahmiya esa bu rivoyatlarni inkor etib: «Bu tashbihdir», deganlar. Holbuki, azza va jalla Alloh Kitobining bir necha oʻrnida qoʻl, eshitish va koʻrishni zikr qilgan, jahmiya esa bu oyatlarni taʼvil qilib, ilm ahli tafsir qilganidan boshqacha tafsir qilganlar va: «Alloh Odamni Oʻz qoʻli bilan yaratmagan», deyishgan, hamda: «Bu yerdagi qoʻlning maʼnosi qudratdir», deganlar. Ishoq ibn Ibrohim aytdi: Tashbih faqat: ‹qoʻl xuddi qoʻldek› yoki ‹qoʻlga oʻxshash›, ‹eshitish xuddi eshitishdek› yoki ‹eshitishga oʻxshash›, deyilgandagina boʻladi. Bas, kim ‹eshitish xuddi eshitishdek› yoki ‹eshitishga oʻxshash› desa, bu tashbihdir; ammo Alloh taolo aytganidek, ‹qoʻl, eshitish, koʻrish› deb, ‹qanday?› demasa, ‹eshitishga oʻxshash› yoki ‹eshitishdek› demasa, bu tashbih boʻlmaydi va u Alloh taolo Kitobida aytganidekdir: {Uning misli (oʻxshashi) hech narsa yoʻq, U eshituvchi, koʻruvchidir}.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Албатта, Аллоҳ садақани қабул қилади ва уни ўнг (қўли) билан олади-да, сизлардан бирингиз тойчоғини тарбиялаганидек, уни сизлардан бирингиз учун парвариш қилади, ҳатто бир луқма Уҳуд (тоғи)дек бўлиб қолади», дедилар. Бунинг тасдиғи азза ва жалла Аллоҳнинг Китобида бордир: {Бандаларидан тавбани қабул қилгувчи Унинг Ўзидир} ҳамда садақаларни олади: {Аллоҳ рибоҳўрликни маҳв этади ва садақаларни зиёда қилади}. Абу Исо айтди: Бу ҳадис ҳасан саҳиҳдир. Оишадан ҳам Пайғамбар ﷺдан шунга ўхшаш ривоят қилинган. Илм аҳлидан кўп кишилар бу ҳадис ва унга ўхшаш сифатлар ҳамда Рабб таборак ва таолонинг ҳар кеча дунё осмонига тушиши ҳақидаги ривоятлар хусусида: «Бу хилдаги ривоятлар собит бўлади, уларга иймон келтирилади, (унинг кайфияти) тасаввур қилинмайди ва ‹қандай?› деб сўралмайди», деганлар. Шу тарзда Молик, Суфён ибн Уяйна ва Абдуллоҳ ибн Муборакдан ривоят қилинганки, улар бу ҳадислар ҳақида: «Уларни кайфиятсиз (ўтказиб) қўяверинглар», деганлар. Аҳли сунна вал-жамоадан бўлган илм аҳлининг сўзи шудир. Жаҳмия эса бу ривоятларни инкор этиб: «Бу ташбиҳдир», деганлар. Ҳолбуки, азза ва жалла Аллоҳ Китобининг бир неча ўрнида қўл, эшитиш ва кўришни зикр қилган, жаҳмия эса бу оятларни таъвил қилиб, илм аҳли тафсир қилганидан бошқача тафсир қилганлар ва: «Аллоҳ Одамни Ўз қўли билан яратмаган», дейишган, ҳамда: «Бу ердаги қўлнинг маъноси қудратдир», деганлар. Ишоқ ибн Иброҳим айтди: Ташбиҳ фақат: ‹қўл худди қўлдек› ёки ‹қўлга ўхшаш›, ‹эшитиш худди эшитишдек› ёки ‹эшитишга ўхшаш›, дейилгандагина бўлади. Бас, ким ‹эшитиш худди эшитишдек› ёки ‹эшитишга ўхшаш› деса, бу ташбиҳдир; аммо Аллоҳ таоло айтганидек, ‹қўл, эшитиш, кўриш› деб, ‹қандай?› демаса, ‹эшитишга ўхшаш› ёки ‹эшитишдек› демаса, бу ташбиҳ бўлмайди ва у Аллоҳ таоло Китобида айтганидекдир: {Унинг мисли (ўхшаши) ҳеч нарса йўқ, У эшитувчи, кўрувчидир}.