Abu Hurayra (roziyallohu anhu)dan rivoyat qilinadi: Rasululloh ﷺ: «Kim Ramazonni iymon bilan va (savobini) Allohdan umid qilib roʻza tutsa, uning oldingi gunohlari kechiriladi. Kim Qadr kechasini iymon bilan va (savobini) Allohdan umid qilib (namozga) tursa, uning oldingi gunohlari kechiriladi», dedilar. Bu sahih hadisdir. Abu Iso aytdi: Abu Bakr ibn Ayyosh rivoyat qilgan Abu Hurayraning hadisi gʻarib hadis boʻlib, biz uni Abu Bakr ibn Ayyoshning Aʼmashdan, u Abu Solihdan, u Abu Hurayradan (qilgan) rivoyatidan boʻlak, faqat Abu Bakrning hadisi orqaligina bilamiz. (Abu Iso) aytdi: Men Muhammad ibn Ismoildan bu hadis haqida soʻradim, u: ‹Bizga Hasan ibn Rabiʼ aytdi, bizga Abul-Ahvas Aʼmashdan, u Mujohiddan ‹Ramazon oyining birinchi kechasi boʻlganda…› soʻzini (rivoyat qildi)› deb hadisni zikr qildi. Muhammad: ‹Bu menimcha Abu Bakr ibn Ayyoshning hadisidan koʻra sahihroqdir›, dedi.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Ким Рамазонни иймон билан ва (савобини) Аллоҳдан умид қилиб рўза тутса, унинг олдинги гуноҳлари кечирилади. Ким Қадр кечасини иймон билан ва (савобини) Аллоҳдан умид қилиб (намозга) турса, унинг олдинги гуноҳлари кечирилади», дедилар. Бу саҳиҳ ҳадисдир. Абу Исо айтди: Абу Бакр ибн Айёш ривоят қилган Абу Ҳурайранинг ҳадиси ғариб ҳадис бўлиб, биз уни Абу Бакр ибн Айёшнинг Аъмашдан, у Абу Солиҳдан, у Абу Ҳурайрадан (қилган) ривоятидан бўлак, фақат Абу Бакрнинг ҳадиси орқалигина биламиз. (Абу Исо) айтди: Мен Муҳаммад ибн Исмоилдан бу ҳадис ҳақида сўрадим, у: ‹Бизга Ҳасан ибн Рабиъ айтди, бизга Абул-Аҳвас Аъмашдан, у Мужоҳиддан ‹Рамазон ойининг биринчи кечаси бўлганда…› сўзини (ривоят қилди)› деб ҳадисни зикр қилди. Муҳаммад: ‹Бу менимча Абу Бакр ибн Айёшнинг ҳадисидан кўра саҳиҳроқдир›, деди.