Abu Hurayra (roziyallohu anhu)dan rivoyat qilinadi: Nabiy ﷺ: «(Ramazon) oyining oldidan bir kun yoki ikki kun (roʻza tutib) oldinga oʻtmanglar, magar biringizning odatda tutib turadigan roʻzasiga toʻgʻri kelib qolsa (boshqa gap). (Yangi oyni) koʻrganingizda roʻza tutinglar, (yangi oyni) koʻrganingizda iftor qilinglar. Agar (havo) bulutli boʻlib (koʻrinmay) qolsa, oʻttizni sanab, soʻngra iftor qilinglar», dedilar. Mansur ibn al-Muʼtamir Ribʼiy ibn Hiroshdan, u Nabiy ﷺning baʼzi sahobalaridan shunga oʻxshash (hadisni) rivoyat qildi. (Abu Iso) aytdi: Bu bobda Nabiy ﷺning baʼzi sahobalaridan ham (rivoyat) bor. Abu Iso aytdi: Abu Hurayraning hadisi hasan sahih hadisdir. Ilm ahlining amali shunga muvofiq boʻlib, ular kishi Ramazon oyi kirishidan oldin Ramazon niyatida roʻza tutishga shoshilishini makruh sanaganlar. Agar kishi (odatdagi) bir roʻzani tutadigan boʻlib, oʻsha roʻzasi shunga toʻgʻri kelib qolsa, ularning nazdida bunda zarar yoʻq.Абу Ҳурайра (розияллоҳу анҳу)дан ривоят қилинади: Набий ﷺ: «(Рамазон) ойининг олдидан бир кун ёки икки кун (рўза тутиб) олдинга ўтманглар, магар бирингизнинг одатда тутиб турадиган рўзасига тўғри келиб қолса (бошқа гап). (Янги ойни) кўрганингизда рўза тутинглар, (янги ойни) кўрганингизда ифтор қилинглар. Агар (ҳаво) булутли бўлиб (кўринмай) қолса, ўттизни санаб, сўнгра ифтор қилинглар», дедилар. Мансур ибн ал-Муътамир Рибъий ибн Ҳирошдан, у Набий ﷺнинг баъзи саҳобаларидан шунга ўхшаш (ҳадисни) ривоят қилди. (Абу Исо) айтди: Бу бобда Набий ﷺнинг баъзи саҳобаларидан ҳам (ривоят) бор. Абу Исо айтди: Абу Ҳурайранинг ҳадиси ҳасан саҳиҳ ҳадисдир. Илм аҳлининг амали шунга мувофиқ бўлиб, улар киши Рамазон ойи киришидан олдин Рамазон ниятида рўза тутишга шошилишини макруҳ санаганлар. Агар киши (одатдаги) бир рўзани тутадиган бўлиб, ўша рўзаси шунга тўғри келиб қолса, уларнинг наздида бунда зарар йўқ.