Abu Said al-Xudriy (roziyallohu anhu)dan rivoyat qilinadi: Rasululloh ﷺ: «Uch narsa roʻzadorning roʻzasini ochmaydi: hijoma (qon oldirish), qusish va ehtilom», dedilar. Abu Iso aytdi: Abu Said al-Xudriyning hadisi mahfuz boʻlmagan hadisdir. Abdulloh ibn Zayd ibn Aslam, Abdulaziz ibn Muhammad va boshqa bir qanchalar bu hadisni Zayd ibn Aslamdan mursal (sahobani zikr qilmay) rivoyat qilganlar va unda Abu Saidni zikr qilmaganlar. Abdurrahmon ibn Zayd ibn Aslam hadisda zaif sanaladi. (Abu Iso) aytdi: Men Abu Dovud as-Sijziydan eshitdim, u: «Men Ahmad ibn Hanbaldan Abdurrahmon ibn Zayd ibn Aslam haqida soʻradim, u: ‹Uning akasi Abdulloh ibn Zaydda zarar yoʻq›, dedi», derdi. (Abu Iso) aytdi: Men Muhammadning Ali ibn Abdulloh al-Madiniydan: «Abdulloh ibn Zayd ibn Aslam siqa (ishonchli), Abdurrahmon ibn Zayd ibn Aslam zaifdir», deb zikr qilganini eshitdim. Muhammad: «Men undan hech narsa rivoyat qilmayman», dedi.Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺ: «Уч нарса рўзадорнинг рўзасини очмайди: ҳижома (қон олдириш), қусиш ва эҳтилом», дедилар. Абу Исо айтди: Абу Саид ал-Худрийнинг ҳадиси маҳфуз бўлмаган ҳадисдир. Абдуллоҳ ибн Зайд ибн Аслам, Абдулазиз ибн Муҳаммад ва бошқа бир қанчалар бу ҳадисни Зайд ибн Асламдан мурсал (саҳобани зикр қилмай) ривоят қилганлар ва унда Абу Саидни зикр қилмаганлар. Абдурраҳмон ибн Зайд ибн Аслам ҳадисда заиф саналади. (Абу Исо) айтди: Мен Абу Довуд ас-Сижзийдан эшитдим, у: «Мен Аҳмад ибн Ҳанбалдан Абдурраҳмон ибн Зайд ибн Аслам ҳақида сўрадим, у: ‹Унинг акаси Абдуллоҳ ибн Зайдда зарар йўқ›, деди», дерди. (Абу Исо) айтди: Мен Муҳаммаднинг Али ибн Абдуллоҳ ал-Мадинийдан: «Абдуллоҳ ибн Зайд ибн Аслам сиқа (ишончли), Абдурраҳмон ибн Зайд ибн Аслам заифдир», деб зикр қилганини эшитдим. Муҳаммад: «Мен ундан ҳеч нарса ривоят қилмайман», деди.