Abu Hurayra (roziyallohu anhu)dan rivoyat qilinadi: Rasululloh ﷺ: «Shaʼbondan yarmi qolganda roʻza tutmanglar», dedilar. Abu Iso aytdi: Abu Hurayraning hadisi hasan sahih hadisdir. Biz uni faqat shu yoʻl bilan, shu lafzda bilamiz. Baʼzi ilm ahli nazdida bu hadisning maʼnosi shuki, kishi roʻza tutmay yurib, soʻng Shaʼbondan bir oz qolganda, Ramazon oyiga (tayyorgarlik) holatida roʻza tuta boshlaydi (degani). Abu Hurayradan Paygʻambar ﷺdan ularning soʻziga oʻxshash rivoyat ham kelganki, u zot ﷺ: «Biringiz odatdagi tutadigan roʻzasiga toʻgʻri kelib qolmasa, Ramazon oyini roʻza bilan kutib olmanglar», deganlar. Bu hadis shuni koʻrsatadiki, makruhlik faqat Ramazon (kelishi) sababli atayin roʻza tutadigan kishi haqidadir.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Шаъбондан ярми қолганда рўза тутманглар», дедилар. Абу Исо айтди: Абу Ҳурайранинг ҳадиси ҳасан саҳиҳ ҳадисдир. Биз уни фақат шу йўл билан, шу лафзда биламиз. Баъзи илм аҳли наздида бу ҳадиснинг маъноси шуки, киши рўза тутмай юриб, сўнг Шаъбондан бир оз қолганда, Рамазон ойига (тайёргарлик) ҳолатида рўза тута бошлайди (дегани). Абу Ҳурайрадан Пайғамбар ﷺдан уларнинг сўзига ўхшаш ривоят ҳам келганки, у зот ﷺ: «Бирингиз одатдаги тутадиган рўзасига тўғри келиб қолмаса, Рамазон ойини рўза билан кутиб олманглар», деганлар. Бу ҳадис шуни кўрсатадики, макруҳлик фақат Рамазон (келиши) сабабли атайин рўза тутадиган киши ҳақидадир.