Ibn Mirbaʼ al-Ansoriy (roziyallohu anhu)dan rivoyat qilinadi: Biz (Arafotda) turish joyida turganimizda, u bizning oldimizga keldi va: «Albatta, men Rasululloh ﷺning sizlarga (yuborgan) elchisiman. U zot: ‹Mashʼarlaringizda (hajga oid ibodat joylaringizda) turaveringlar, chunki sizlar Ibrohimning merosidan bir meros uzra (yurmoqda)siz›, dedilar», dedi. (Roviy) aytdi: Bu bobda Ali, Oisha, Jubayr ibn Mutʼim va Sharid ibn Suvayd as-Saqafiydan ham (rivoyat) bor. Abu Iso aytdi: Ibn Mirbaʼ al-Ansoriyning hadisi hasan hadisdir. Biz uni faqat Ibn Uyaynaning Amr ibn Dinordan (qilgan) hadisi orqaligina bilamiz. Ibn Mirbaʼning ismi Yazid ibn Mirbaʼ al-Ansoriydir, undan faqat shu bitta hadisgina maʼlumdir.Ибн Мирбаъ ал-Ансорий (розияллоҳу анҳу)дан ривоят қилинади: Биз (Арафотда) туриш жойида турганимизда, у бизнинг олдимизга келди ва: «Албатта, мен Расулуллоҳ ﷺнинг сизларга (юборган) элчисиман. У зот: ‹Машъарларингизда (ҳажга оид ибодат жойларингизда) тураверинглар, чунки сизлар Иброҳимнинг меросидан бир мерос узра (юрмоқда)сиз›, дедилар», деди. (Ровий) айтди: Бу бобда Али, Оиша, Жубайр ибн Мутъим ва Шарид ибн Сувайд ас-Сақафийдан ҳам (ривоят) бор. Абу Исо айтди: Ибн Мирбаъ ал-Ансорийнинг ҳадиси ҳасан ҳадисдир. Биз уни фақат Ибн Уяйнанинг Амр ибн Динордан (қилган) ҳадиси орқалигина биламиз. Ибн Мирбаънинг исми Язид ибн Мирбаъ ал-Ансорийдир, ундан фақат шу битта ҳадисгина маълумдир.