«Rohman» sifati faqat Allohga xos boʻlib, barchaga–kofirga ham, moʻminga ham mehribon va neʼmat beruvchi maʼnosini anglatadi. Rohman sifatini Alloh taolodan boshqa hech kimga nisbatan ishlatib boʻlmaydi.

«Rohiym» sifati esa, xosroq boʻlib, qiyomat kuni faqat moʻminlarga rahim qiluvchi maʼnosini anglatadi va Allohdan oʻzgalarga, jumladan, Paygʻambar alayhissalomga nisbatan ham ishlatiladi.

«Allohning xulqi bilan xulqlaninglar!» degan asarga asoslanib, ulamolarimiz, bu oyatni oʻqigan har bir kishi rahimli boʻlishga urinmogʻi lozim, deydilar.