Ushbu oyati karimada qiyomat kuni Yavmiddin deb nomlangan. Din soʻzi arabchada hisob, jazo, mukofot maʼnolarini bildiradi. Yavmiddin–qiyomat kunida barcha bandalar qayta tiriltirilib, hisob- kitob qilinadi. Yaxshiga mukofot, yomonga jazo beriladi. Bu oyatni oʻqiganda qiyomatni eslab, oʻsha dahshatli kunda faqat Allohning Oʻzi hukm chiqarishi, oʻsha yerda uyalib qolmaslikni oʻylab, unga tayyorgarlik koʻrishga ahd qilinadi.