فَلَمَّآ أَلْقَوْا۟ قَالَ مُوسَىٰ مَا جِئْتُم بِهِ ٱلسِّحْرُ ۖ إِنَّ ٱللَّهَ سَيُبْطِلُهُۥٓ ۖ إِنَّ ٱللَّهَ لَا يُصْلِحُ عَمَلَ ٱلْمُفْسِدِينَ
Muhammad Sodiq Muhammad Yusuf: Ular tashlaganlarida, Muso: «Siz keltirgan narsa sehrdir. Albatta, Alloh uni botil qilur. Zero, Alloh buzg`unchilarning ishini o`nglamas.Улар ташлаганларида, Мусо: «Сиз келтирган нарса сеҳрдир. Албатта, Аллоҳ уни ботил қилур. Зеро, Аллоҳ бузғунчиларнинг ишини ўнгламас.Alauddin Mansour: Qachonki ular (qoʻllaridagi narsalarini) tashlaganlarida (va u arqon, asolar ilonlarga aylanib qolganida) Muso dedi: «(Mana shu) sizlar qilgan ish sehrdir. Albatta, Alloh uni botil qilur. Zero, Alloh buzgʻunchi kimsalarning ishini oʻnglamaydi.Қачонки улар (қўлларидаги нарсаларини) ташлаганларида (ва у арқон, асолар илонларга айланиб қолганида) Мусо деди: «(Мана шу) сизлар қилган иш сеҳрдир. Албатта, Аллоҳ уни ботил қилур. Зеро, Аллоҳ бузғунчи кимсаларнинг ишини ўнгламайди.
Avval aytilganidek, qissaning tafsiloti boshqa suralarda kelgan. Bu surada esa, siyoqiga mos ravishda baʼzi holatlar bayon qilinmoqda.
Sehrgarlar muboraza joyiga kelishganida, hammaning oldida Muso alayhissalom ularga:
«Tashlamoqchi boʻlgan narsangizni tashlang», dedi».
Sehrgarlar oʻsha narsalarini tashladilar. U narsalarni koʻrgan Muso alayhissalom haqiqatni angladilar va:
«Siz keltirgan narsa sehrdir», dedilar.
Chunki, Alloh tomonidan berilgan moʻʼjizaga sohib boʻlgan Paygʻambar sehrni osonlikcha bilishi ajablanarlik emas. U kishi Allohga iymon ila qalbi toʻla, oʻz ishining haqligiga, boshqalarning ishi botilligiga ishonchi komil zotdirlar. Shuning uchun ham, hech ikkilanmasdan:
«Albatta, Alloh uni botil qilur. Zero, Alloh buzgʻunchilarning ishini oʻnglamas», dedilar.
Ilohiy haqiqatni tushunib yetgan inson doimo shunday mavqeda turadi. Haq tarafida oʻzi yolgʻiz boʻlib, botil butun dunyoni toʻldirsa ham, oʻz ishining gʻolib kelishiga, buzgʻunchilarning ishi botil boʻlishiga zarracha shubha qilmaydi.
Muso alayhissalom soʻzlari davomida:
«Alloh Oʻz kalimasi ila, garchi jinoyatchilar yoqtirmasa ham, haqni roʻyobga chiqarur», dedi».
Darhaqiqat, shunday boʻldi ham. Allohning «Boʻl!» degan kalimasi ila har narsa boʻlishi turgan gap. Sehrgarlarning sehri botil boʻldi. Alloh haqni roʻyobga chiqardi. Ammo: