وَيَقُولُ ٱلَّذِينَ كَفَرُوا۟ لَوْلَآ أُنزِلَ عَلَيْهِ ءَايَةٌ مِّن رَّبِّهِۦٓ ۗ إِنَّمَآ أَنتَ مُنذِرٌ ۖ وَلِكُلِّ قَوْمٍ هَادٍ
Muhammad Sodiq Muhammad Yusuf: Kufr keltirganlar: «Unga Robbidan bir mo`'jiza nozil qilinsa edi», derlar. Sen faqat ogohlantiruvchisan, xolos. Va har qavmning hidoyatchisi bordir.Куфр келтирганлар: «Унга Роббидан бир мўъжиза нозил қилинса эди», дерлар. Сен фақат огоҳлантирувчисан, холос. Ва ҳар қавмнинг ҳидоятчиси бордир.Alauddin Mansour: Kofir boʻlgan kimsalar: «Unga (Muhammadga) Parvardigori tomonidan biron oyat-moʻʼjiza nozil qilinsa edi», deydilar. Siz faqat (kofirlarni Allohning azobidan) ogohlantirguvchidirsiz. Har bir qavm uchun (Alloh yoʻliga) yetaklovchi — hidoyat qilguvchi bordir.Кофир бўлган кимсалар: «Унга (Муҳаммадга) Парвардигори томонидан бирон оят-мўъжиза нозил қилинса эди», дейдилар. Сиз фақат (кофирларни Аллоҳнинг азобидан) огоҳлантиргувчидирсиз. Ҳар бир қавм учун (Аллоҳ йўлига) етакловчи — ҳидоят қилгувчи бордир.
Atrofida qanchadan-qancha moʻʼjizalar turib yana:
«Kufr keltirganlar: «Unga Robbidan bir moʻʼjiza nozil qilinsa edi», derlar».
Bunday talab ham ajablanarli. Har qadamlarida Allohning birligiga, borligiga qanchadan-qancha dalillar turibdi. Lekin ular Paygʻambar sollallohu alayhi vasallamga Robbidan bittagina odatdan tashqari moʻʼjiza tushishini istashadi. Bu esa, Paygʻambar sollallohu alayhi vasallamning ixtiyoridagi ish emas. Paygʻambarning vazifasini Robbisi:
«Sen faqat ogohlantiruvchisan, xolos», deb belgilab qoʻygan.
Ha, Paygʻambar kishilarni kufrning, isyonning va gunohkorlikning oqibatidan ogohlantiradi, xolos. U odamlar soʻragan moʻʼjizalarni keltirishga masʼul emas. U ham boshqa Paygʻambarlarga oʻxshab yuborilgan bir Paygʻambar, xolos.
«Va har qavmning hidoyatchisi bordir.»
Yaʼni, har bir qavmning oʻz Paygʻambari kelgandir.
Bundan keyingi oyatlarda eʼtibor kishilarning oʻzlariga, ularning his-tuygʻulariga va boshqa jonzotlarga qaratiladi: