وَءَاتَيْنَـٰهُ فِى ٱلدُّنْيَا حَسَنَةً ۖ وَإِنَّهُۥ فِى ٱلْـَٔاخِرَةِ لَمِنَ ٱلصَّـٰلِحِينَ
Muhammad Sodiq Muhammad Yusuf: Unga bu dunyoda yaxshi (hayot) berdik. Oxiratda esa, u, albatta, solihlardandir.Унга бу дунёда яхши (ҳаёт) бердик. Охиратда эса, у, албатта, солиҳлардандир.Alauddin Mansour: Biz unga bu dunyoda chiroyli (obroʻ-eʼtibor) ato etdik (zero, barcha dinlarning ahllari Ibrohim alayhissalomning nomlarini hurmat bilan tilga oladilar). Albatta, u Oxiratda ham solih — yaqinlarimizdandir.Биз унга бу дунёда чиройли (обрў-эътибор) ато этдик (зеро, барча динларнинг аҳллари Иброҳим алайҳиссаломнинг номларини ҳурмат билан тилга оладилар). Албатта, у Охиратда ҳам солиҳ — яқинларимиздандир.
Iymoni va shukr qilgani tufayli, mazkur goʻzal sifatlarga ega boʻlgani tufayli, bu dunyoda u koʻplab yaxshiliklarga erishdi. Oxiratda esa, albatta, ahli solihlardan boʻladi. Demak, ikki dunyoning saodatiga erishishi muqarrar.
Yahudiylar va arab mushriklari oʻzlarining aloqadorliklari bilan faxrlanayotgan Ibrohim alayhissalom haqlaridagi gaplar mana shulardan iborat.