وَءَاتَيْنَا مُوسَى ٱلْكِتَـٰبَ وَجَعَلْنَـٰهُ هُدًى لِّبَنِىٓ إِسْرَٰٓءِيلَ أَلَّا تَتَّخِذُوا۟ مِن دُونِى وَكِيلًا
Muhammad Sodiq Muhammad Yusuf: Va Biz Musoga kitobni berdik va u(kitob)ni Bani Isroilga hidoyat qilib: «Mendan o`zgani vakil tutmanglar!» dedik.Ва Биз Мусога китобни бердик ва у(китоб)ни Бани Исроилга ҳидоят қилиб: «Мендан ўзгани вакил тутманглар!» дедик.Alauddin Mansour: Biz Musoga Kitob (Tavrot) ato etdik va u (Kitobni) Bani Isroil (qavmi) uchun hidoyat qilib (dedik): «Sizlar Mendan oʻzgani vakil (yaʼni, barcha ishlar ishonib topshiriladigan zot) qilib olmanglar!»Биз Мусога Китоб (Таврот) ато этдик ва у (Китобни) Бани Исроил (қавми) учун ҳидоят қилиб (дедик): «Сизлар Мендан ўзгани вакил (яъни, барча ишлар ишониб топшириладиган зот) қилиб олманглар!»
Yaʼni, Biz Muso Paygʻambarga Tavrot kitobini berdik. Hamda oʻsha Tavrot kitobini Bani Isroil uchun hidoyat qilib qoʻydik. Unga ergashsalar, hidoyatga erishishlari turgan gap edi. Shu bilan birga, Biz Bani Isroilga: «Mendan oʻzgani vakil tutmanglar!» dedik». Yaʼni, Allohdan oʻzgaga suyanmanglar. Undan boshqaga yuzlanmanglar. Ana shundagina hidoyat topasizlar, dedik.