وَمَن كَانَ فِى هَـٰذِهِۦٓ أَعْمَىٰ فَهُوَ فِى ٱلْـَٔاخِرَةِ أَعْمَىٰ وَأَضَلُّ سَبِيلًا
Muhammad Sodiq Muhammad Yusuf: Kim bu dunyoda ko`r-gumroh bo`lsa, u oxiratda yanada ko`r-gumroh va yanada yo`ldan adashganroq bo`ladir.Ким бу дунёда кўр-гумроҳ бўлса, у охиратда янада кўр-гумроҳ ва янада йўлдан адашганроқ бўладир.Alauddin Mansour: Kimki, bu dunyoda koʻr-gumroh ekan, bas, u Oxiratda ham koʻr va butunlay yoʻldan ozguvchidir.Кимки, бу дунёда кўр-гумроҳ экан, бас, у Охиратда ҳам кўр ва бутунлай йўлдан озгувчидир.
Bu dunyodan koʻr-gumroh holida — iymonsizlikda, gunoh va isyon qilib oʻtsa, u dunyoda bundan ham battar koʻr va gumroh boʻladi. Qiyomat toʻpolonida nima qilishini bilmay giryon uradi. Xoru zorlikka yoʻliqadi. Umuman, yuradigan yoʻlini topa olmay, sarson-sargardon boʻlib, oxiri doʻzaxga tushadi. Oxiratda shunday. Bu dunyoda esa, oʻzlari koʻr-gumroh boʻlganlari yetmagandek, boshqalarni ham ergashtirishga urinadilar. Hatto Rasululloh sollallohu alayhi vasallamni ham yoʻldan urmoqchi boʻladilar: