۞ وَإِذِ ٱسْتَسْقَىٰ مُوسَىٰ لِقَوْمِهِۦ فَقُلْنَا ٱضْرِب بِّعَصَاكَ ٱلْحَجَرَ ۖ فَٱنفَجَرَتْ مِنْهُ ٱثْنَتَا عَشْرَةَ عَيْنًا ۖ قَدْ عَلِمَ كُلُّ أُنَاسٍ مَّشْرَبَهُمْ ۖ كُلُوا۟ وَٱشْرَبُوا۟ مِن رِّزْقِ ٱللَّهِ وَلَا تَعْثَوْا۟ فِى ٱلْأَرْضِ مُفْسِدِينَ
Muhammad Sodiq Muhammad Yusuf: Muso o`z qavmini serob qilishni so`raganida, «Hassang bilan toshni ur!» deganimizni eslang. Bas, undan o`n ikki buloq otilib chiqdi. Har qabila o`z suvini bildi. Alloh bergan rizqdan yeb-ichinglar. Yer yuzida buzg`unchilik ustiga buzg`unchilik qilmanglar.Мусо ўз қавмини сероб қилишни сўраганида, «Ҳассанг билан тошни ур!» деганимизни эсланг. Бас, ундан ўн икки булоқ отилиб чиқди. Ҳар қабила ўз сувини билди. Аллоҳ берган ризқдан еб-ичинглар. Ер юзида бузғунчилик устига бузғунчилик қилманглар.Alauddin Mansour: Eslang (ey Bani Isroil), Muso oʻz qavmi uchun suv tilaganida: «Asoingni toshga urgin», dedik. Bas, undan oʻn ikki chashma otilib chiqdi — har bir qabilaga (ular oʻn ikki urugʻ edilar) oʻz suvi maʼlum boʻldi. «Alloh bergan rizqdan yeb-ichinglar, Yer yuzida buzgʻunchilik jinoyatlarini qilmanglar».Эсланг (эй Бани Исроил), Мусо ўз қавми учун сув тилаганида: «Асоингни тошга ургин», дедик. Бас, ундан ўн икки чашма отилиб чиқди — ҳар бир қабилага (улар ўн икки уруғ эдилар) ўз суви маълум бўлди. «Аллоҳ берган ризқдан еб-ичинглар, Ер юзида бузғунчилик жиноятларини қилманглар».
Bani Isroil yuqorida zikr qilingan qaqroq choʻl–sahroda turganda Muso alayhissalom Allohga duo qilib, oʻz qavmi Bani Isroilni serob qilishini, suv berishini soʻradi. Shunda Alloh u kishining duosini ijobat qildi va:
«Hassang bilan toshni ur!» dedi.
Yaʼni, «Ey, Muso, qoʻlingdagi hassang bilan toshni ur», deb buyurdi. Muso alayhissalom toshni urgan edilar:
«Bas, undan oʻn ikki buloq otilib chiqdi. Har qabila oʻz suvini bildi».
Yaʼni, Muso alayhissalom asolari bilan urgan toshdan oʻn ikkita buloq otilib chiqdi. Bani Isroil oʻn ikki qabiladan iborat edi, har qabilaga bittadan buloq boʻlib, har kim oʻz suviga ega boʻldi.
Endi Bani Isroil osmondan tushgan mann va bedanani yeb, toshdan chiqadigan suvni ichadigan boʻlishdi. Shuning uchun, oyat oxirida
«Alloh bergan rizqdan yeb-ichinglar», deyilmoqda.
Bunday paytda Allohga shukr qilib, rohat-farogʻatda, yaxshilik bilan yashash kerak. Yomonliklardan uzoq boʻlish kerak. Oyatning oxirida Alloh taolo Bani Isroilga yana bir bor:
«Yer yuzida buzgʻunchilik ustiga buzgʻunchilik qilmanglar!» deb tayinlamoqda.
Ular esa: