إِنِّىٓ أَنَا۠ رَبُّكَ فَٱخْلَعْ نَعْلَيْكَ ۖ إِنَّكَ بِٱلْوَادِ ٱلْمُقَدَّسِ طُوًى
Muhammad Sodiq Muhammad Yusuf: Albatta, Men O`zim sening Robbingdirman. Kavushlaringni yech. Chunki, sen muqaddas Tuvo vodiysidasan».Албатта, Мен Ўзим сенинг Роббингдирман. Кавушларингни еч. Чунки, сен муқаддас Туво водийсидасан».Alauddin Mansour: «(Ey Muso), Men sening Parvardigoringdirman. Endi kavushlaringni yechgin. Chunki sen muqaddas Tuvo vodiysidasan.«(Эй Мусо), Мен сенинг Парвардигорингдирман. Энди кавушларингни ечгин. Чунки сен муқаддас Туво водийсидасан.
Muso alayhissalom choʻgʻ olish yoki yoʻl bilish uchun kelgan edilar. Oʻzlari bilmagan holda istaganlaridan koʻra ziyoda xayr-barakotga–hidoyat va saodatga yoʻliqdilar. Ul zot olovga yaqinlashib kelganlarida, Alloh taolo nido qila boshladi:
«Ey Muso, albatta, Men Oʻzim sening Robbingdirman».
Alloh taolo Muso alayhissalomga farishta yubormay, bevosita Oʻzi nido qildi. Men sening Robbingman, deb ochiq-oydin aytdi. Shuning uchun ham, Muso alayhissalomning «Kalimulloh» – «Alloh bilan gaplashgan» degan laqablari bor.
«Kavushlaringni yech. Chunki, sen muqaddas Tuvo vodiysidasan.
Hozir sen ushbu muqaddas joyda turib, Robbil Olamiyn ila gaplashasan, shuning uchun, pok boʻlib, turli yerlarni bosib kelgan oyoq kiyimlaringni yechib, tayyorlanib tur.