فَوَسْوَسَ إِلَيْهِ ٱلشَّيْطَـٰنُ قَالَ يَـٰٓـَٔادَمُ هَلْ أَدُلُّكَ عَلَىٰ شَجَرَةِ ٱلْخُلْدِ وَمُلْكٍ لَّا يَبْلَىٰ
Muhammad Sodiq Muhammad Yusuf: Bas, shayton uni vasvasa qildi. U: «Ey Odam, men senga abadiyat daraxtini va bitmas-tuganmas mulkni ko`rsataymi?» – dedi.Бас, шайтон уни васваса қилди. У: «Эй Одам, мен сенга абадият дарахтини ва битмас-туганмас мулкни кўрсатайми?» – деди.Alauddin Mansour: Soʻng shayton unga vasvasa qilib: «Ey Odam, men senga abadiyat daraxtini va yoʻq boʻlmas mulku davlatni koʻrsataymi?», dedi.Сўнг шайтон унга васваса қилиб: «Эй Одам, мен сенга абадият дарахтини ва йўқ бўлмас мулку давлатни кўрсатайми?», деди.
Laʼnati shayton odamning nozik joyidan tutgan edi. Inson fitratida abadiy yashash istagi bor. Hech-hech oʻlishni istamaydi. Mol-mulki zavolga ketishini ham xohlamaydi. Shayton ushbu ikki nozik hisni Odamda qoʻzgʻatib, uni vasvasa qildi. Robbing manavi daraxt mevasidan yeyishingni man qilgan boʻlsa, sening abadiy yashashingni, mulking bardavom boʻlishini xohlamaganidandir, bu daraxtning mevasidan yesang, hech oʻlmaysan, mulking yoʻqolmaydi, dedi.