قَالَ لَهُم مُّوسَىٰ وَيْلَكُمْ لَا تَفْتَرُوا۟ عَلَى ٱللَّهِ كَذِبًا فَيُسْحِتَكُم بِعَذَابٍ ۖ وَقَدْ خَابَ مَنِ ٱفْتَرَىٰ
Muhammad Sodiq Muhammad Yusuf: Ularga Muso: «Holingizga voy! Allohga nisbatan yolg`on uydirmang, bas, sizni azob ila butunlay halok qilur. Batahqiq, kim yolg`on uydirsa, noumid bo`lur», dedi.Уларга Мусо: «Ҳолингизга вой! Аллоҳга нисбатан ёлғон уйдирманг, бас, сизни азоб ила бутунлай ҳалок қилур. Батаҳқиқ, ким ёлғон уйдирса, ноумид бўлур», деди.Alauddin Mansour: Muso ularga (yaʼni, sehrgarlarga) dedi: «Holinglarga voy! Sizlar Alloh shaʼniga yolgʻon toʻqimanglar (yaʼni, ochiq moʻʼjizani sehr demanglar), u holda (Alloh) sizlarni azob bilan halok qilur! Yolgʻon toʻqigan kimsalar noumid boʻlishlari aniqdir».Мусо уларга (яъни, сеҳргарларга) деди: «Ҳолингларга вой! Сизлар Аллоҳ шаънига ёлғон тўқиманглар (яъни, очиқ мўъжизани сеҳр деманглар), у ҳолда (Аллоҳ) сизларни азоб билан ҳалок қилур! Ёлғон тўқиган кимсалар ноумид бўлишлари аниқдир».
Yaʼni, Muso alayhissalom tortishuvga shay boʻlib turgan sehrgarlarga:
«Holingizga voy! Allohga nisbatan yolgʻon uydirmang...» dedilar.
Yaʼni, Allohga shirk keltirmang! Allohning Oʻz Paygʻambariga bergan moʻʼjizasini sehr demang. Agar shunday desangiz:
«...bas, sizni azob ila butunlay halok qilur».
Oʻsha nobakorligingiz uchun Alloh sizga azob yuborib, butunlay halok etadi, barbod qiladi. Chunki, bu dunyoning umumiy qoidasi shuki:
«Batahqiq, kim yolgʻon uydirsa, noumid boʻlur».
Allohga nisbatan yolgʻon uydirgan kimsa doimo noumid boʻlib kelgan va shunday boʻlib kelmoqda ham, dedi.
Muso alayhissalomning bu gaplaridan baʼzi sehrgarlar taʼsirlanishdi. Ular u kishining nasihatlarini qabul etishni taklif qilishdi. Boshqalari esa, oʻz fikrlarida turib oldilar.