فَأُلْقِىَ ٱلسَّحَرَةُ سُجَّدًا قَالُوٓا۟ ءَامَنَّا بِرَبِّ هَـٰرُونَ وَمُوسَىٰ
Muhammad Sodiq Muhammad Yusuf: Bas, sehrgarlar: «Horun va Musoning Robbiga iymon keltirdik», deb sajdaga tashlandilar.Бас, сеҳргарлар: «Ҳорун ва Мусонинг Роббига иймон келтирдик», деб саждага ташландилар.Alauddin Mansour: (Muso asosini tashlagach, sehrgarlarning bor yasagan narsalarini yutib yubordi). Bas, sehrgarlar sajda qilgan hollarida (yerga) tashlanib: «Horun va Musoning Parvardigoriga iymon keltirdik», dedilar.(Мусо асосини ташлагач, сеҳргарларнинг бор ясаган нарсаларини ютиб юборди). Бас, сеҳргарлар сажда қилган ҳолларида (ерга) ташланиб: «Ҳорун ва Мусонинг Парвардигорига иймон келтирдик», дедилар.
Ular sehrgar boʻlganlari uchun sehrning kayfiyatini yaxshi bilar edilar. Ular Muso alayhissalom koʻrsatgan hunar sehr emas, Allohning moʻʼjizasi ekanini darhol angladilar. Ular Muso alay- hissalom oʻzlari kabi hiyla-nayrangchi emas, Allohning haqiqiy Paygʻambari ekanini zudlik bilan anglab yetdilar. Shuning uchun ham:
«Horun va Musoning Robbiga iymon keltirdik», deb sajdaga tashlandilar».
Ularning qalbiga iymon nuri yetib bordi. Ular bu nur tomon jon-jahdlari bilan intildilar. Shuning uchun ham, iymonlarini oshkor etib, sajdaga «tashlandilar», oddiy sajda qilmadilar, balki sajdaga oʻzlarini otdilar.
Eng ishongan odamlaridan bu holni koʻrgan Firʼavn nima qilishi kerak edi? Agar u sof tabiatli boʻlganida, oʻzini oʻnglab haqni tan olardi. Ammo u sof tabiatini yoʻqotib, tugʻyonga ketgan, odamlar ustidan hukm yuritaverib, oʻzini xudo his qilib qolgan, oʻzining ishorasisiz biror ish boʻlmasligiga odatlangan, odamiyligini kibrga sotgan bir maxluq edi. Shuning uchun ham, u tamoman teskari yoʻl tutdi.