وَمَا جَعَلْنَا لِبَشَرٍ مِّن قَبْلِكَ ٱلْخُلْدَ ۖ أَفَإِي۟ن مِّتَّ فَهُمُ ٱلْخَـٰلِدُونَ
Muhammad Sodiq Muhammad Yusuf: Sendan oldin ham biror basharga abadiylikni qilganimiz yo`q. Agar sen o`lsang, ular abadiy qolar ekanlarmi?Сендан олдин ҳам бирор башарга абадийликни қилганимиз йўқ. Агар сен ўлсанг, улар абадий қолар эканларми?Alauddin Mansour: (Ey Muhammad alayhis-salotu vas-salom), Biz sizdan avval ham biron odamzodga abadiy hayot bergan emasmiz. Bas, agar siz oʻlsangiz, ular abadiy qolurlarmi?! (Yoʻq, ular ham mangu qolmaslar).(Эй Муҳаммад алайҳис-салоту вас-салом), Биз сиздан аввал ҳам бирон одамзодга абадий ҳаёт берган эмасмиз. Бас, агар сиз ўлсангиз, улар абадий қолурларми?! (Йўқ, улар ҳам мангу қолмаслар).
Ey Paygʻambar, sendan oldin oʻtganlarning hammasi vaqt-soati kelib, ajali yetib oʻlganlar. Hech kim dunyoga ustun boʻlgan emas.
«Agar sen oʻlsang, ular abadiy qolar ekanlarmi?»
Ey Paygʻambar, vaqt-soati yetib sen oʻlsang, kofirlar abadiy qolar ekanlarmi? Shuning uchun iymon keltirmay, ibodat qilmay yuribdilarmi? Ular yaxshilab bilib qoʻysinlar.