أُفٍّ لَّكُمْ وَلِمَا تَعْبُدُونَ مِن دُونِ ٱللَّهِ ۖ أَفَلَا تَعْقِلُونَ
Muhammad Sodiq Muhammad Yusuf: Sizga ham, Allohni qo`yib, ibodat qilayotgan narsalaringizga ham suf-e! Axir, aql yuritib ko`rmaysizlarmi?!» – dedi.Сизга ҳам, Аллоҳни қўйиб, ибодат қилаётган нарсаларингизга ҳам суф-э! Ахир, ақл юритиб кўрмайсизларми?!» – деди.Alauddin Mansour: Sizlarga ham, Allohni qoʻyib sigʻinayotgan butlaringizga ham suf-ye! Axir aql yurgizmaysizlarmi?!»Сизларга ҳам, Аллоҳни қўйиб сиғинаётган бутларингизга ҳам суф-е! Ахир ақл юргизмайсизларми?!»
Yaʼni, oʻylab koʻrmaysizlarmi? Bularning nimasiga sigʻinyapsiz oʻzi?! Bular sizga foyda ham bermasa, ziyon ham yetkaza olmasa, nima uchun foyda beradigan, ziyon yetkaza oladigan Allohni qoʻyib, bularga topinmoqdasizlar?! Sizga ham suf! Allohni qoʻyib ibodatini qilayotgan «xudo»laringizga ham suf! Aql yuritib koʻrmaysizlarmi?!
Aql va mantiq bobida magʻlubiyatga uchragan mushrik qavm, odatdagidek, oʻz raqibini jismoniy yoʻq qilish yoʻliga oʻtdilar.