فَأَوْحَيْنَآ إِلَيْهِ أَنِ ٱصْنَعِ ٱلْفُلْكَ بِأَعْيُنِنَا وَوَحْيِنَا فَإِذَا جَآءَ أَمْرُنَا وَفَارَ ٱلتَّنُّورُ ۙ فَٱسْلُكْ فِيهَا مِن كُلٍّ زَوْجَيْنِ ٱثْنَيْنِ وَأَهْلَكَ إِلَّا مَن سَبَقَ عَلَيْهِ ٱلْقَوْلُ مِنْهُمْ ۖ وَلَا تُخَـٰطِبْنِى فِى ٱلَّذِينَ ظَلَمُوٓا۟ ۖ إِنَّهُم مُّغْرَقُونَ
Muhammad Sodiq Muhammad Yusuf: Bas, Biz unga: «Bizning ko`z o`ngimizda va vahiyimiz ila kema yasa. Bas, Bizning amrimiz kelib, tannur favvora bo`lganda, u(kema)ga har bir turdan bir juftdan va ahlingni chiqar, magar kimning ziddiga oldin so`zimiz o`tgan bo`lsa (chiqarma). Zulm qilganlar haqida Menga xitob qilma. Albatta, ular g`arq qilinguvchilardir.Бас, Биз унга: «Бизнинг кўз ўнгимизда ва ваҳийимиз ила кема яса. Бас, Бизнинг амримиз келиб, таннур фаввора бўлганда, у(кема)га ҳар бир турдан бир жуфтдан ва аҳлингни чиқар, магар кимнинг зиддига олдин сўзимиз ўтган бўлса (чиқарма). Зулм қилганлар ҳақида Менга хитоб қилма. Албатта, улар ғарқ қилингувчилардир.Alauddin Mansour: Bas, Biz unga vahiy qildik: Bizning hifzu-himoyamizda va Bizning vahiy-taʼlimimiz bilan bir kema yasagin. Bas, qachon Bizning farmonimiz kelib, tannurdan (olov oʻrniga) favvoralar otilgan vaqtida u kemaga har (jonivordan) bir juftdan va ahli-oilangni solgin. Lekin (kofirlardan) qaysi kimsalar ustida Bizning soʻzimiz (yaʼni, suvga gʻarq boʻlishi haqidagi hukmimiz) oʻtgan boʻlsa (ularni tark qilgin) hamda u zolim kimsalar haqida (yaʼni, ularga najot berishimni soʻrab) Menga xitob-iltijo qilmagin. Ular shak-shubhasiz, gʻarq qilinguvchidirlar.Бас, Биз унга ваҳий қилдик: Бизнинг ҳифзу-ҳимоямизда ва Бизнинг ваҳий-таълимимиз билан бир кема ясагин. Бас, қачон Бизнинг фармонимиз келиб, таннурдан (олов ўрнига) фавворалар отилган вақтида у кемага ҳар (жонивордан) бир жуфтдан ва аҳли-оилангни солгин. Лекин (кофирлардан) қайси кимсалар устида Бизнинг сўзимиз (яъни, сувга ғарқ бўлиши ҳақидаги ҳукмимиз) ўтган бўлса (уларни тарк қилгин) ҳамда у золим кимсалар ҳақида (яъни, уларга нажот беришимни сўраб) Менга хитоб-илтижо қилмагин. Улар шак-шубҳасиз, ғарқ қилингувчидирлар.
Ushbu uch oyatda Nuh alayhissalomning nusrat soʻrab qilgan iltijolariga Alloh taolo tomonidan berilgan javob kelmoqda.
«Bizning koʻz oʻngimizda va vahiyimiz ila kema yasa.»
Albatta, hamma narsa Alloh taoloning koʻz oʻngida turibdi. Ammo Nuh alayhissalomga bunday deyilishi Alloh taolo u kishining ishlariga alohida eʼtibor berishini bildiradi. Hattoki, kemani qanday yasashni ham Allohning Oʻzi vahiy orqali oʻrgatib turadi.
«Bas, Bizning amrimiz kelib, tannur favvora boʻlganida...»
Alloh taolo najot kemasiga chiqish vaqtining alomatini aytib qoʻydi. Qachonki amrimiz kelib, tannurdan olov oʻrniga suv favvora boʻlib otilib chiqa boshlaganda.
«...u(kema)ga har bir turdan bir juftdan va ahlingni chiqar...»
Yaʼni, har bir jonzot turidan bir juftdan, bitta erkak, bitta urgʻochi chiqar. Odamlardan esa, senga ahl boʻlgan moʻminlarni chiqar.
«...magar kimning ziddiga oldin soʻzimiz oʻtgan boʻlsa (chiqarma).»
Yaʼni, kim haqida unga qarshi hukmimiz chiqqan boʻlsa, iymonga kelmagan boʻlsa, u odamni chiqarma. Jumladan, Nuh alayhissalomning oilasidan xotinlari va bitta oʻgʻillari iymon keltirmagan edi. Bu yerda ana oʻshalar haqida soʻz ketmoqda.
«Zulm qilganlar haqida menga xitob qilma.»
Ularni toʻfon halokatidan qutqarib qolishimni soʻrama.
«Albatta, ular gʻarq qilinguvchilardir.»
Chunki, ular imkon berilgan fursatda oʻzlarini oʻnglab ola olmadilar. Endi hukm chiqib boʻldi. Uni oʻzgartirilmaydi.
«Bas, sen oʻzing bilan birga boʻlganlar ila kemaga joylashib olgach...»
Yaʼni, toʻfon balosidan qutulish uchun najot kemasiga chiqib joylashib olgach:
«Bizni zolim qavmlardan qutqargan Allohga hamdlar boʻlsin», degin.
Alloh Paygʻambari Nuh alayhissalomga Oʻzi bergan neʼmatga qanday shukr qilishni oʻrgatmoqda. Bu shukr Alloh taologa hamdu sano aytish bilan boʻladi. Zolim qavmlar Nuh alayhissalomga ham, moʻminlarga ham zulm oʻtkazar edilar. Alloh taolo ularning barchasini toʻfon balosiga uchratib halok qildi. Nuh alayhissalom boshliq moʻminlarni oʻsha kofirlarning, zolimlarning zulmidan, yomonligidan qutqardi. Endi ular Alloh taologa oʻzlarini zolim qavmlardan qutqargani uchun shukr qilib, hamdu sanolar aytishlari kerak.
Shu bilan birga, kelajak hayotlarida yaxshiliklar boʻlishini ham Alloh taolodan soʻrashlari kerak:
«Va: «Ey Robbim, meni muborak manzilga tushirgin, Sen Oʻzing manzilga tushirguvchilarning eng yaxshisisan», degin», dedik».
Ushbu duo barcha moʻminlarning Alloh taologa qiladigan duolaridir.