Moʻminlar oʻz shaxslari, ibodatlari va qalblarinigina emas, mollarini ham poklab yuradilar. Mazkur ish moldan zakot chiqarib haqdorlarga berish bilan boʻladi. Zotan, «zakot» soʻzi ham poklash maʼnosini bildiradi. Moʻmin inson haloldan topgan molini poklash uchun zakot beradi. Alloh taologa moliyaviy ibodat qiladi. Ana oʻshandagina najotga erishishning shartlaridan biriga amal etgan boʻladi. Molidan haqdorlarga zakot chiqarib bermagan odam bu martabani umid qila olmaydi.