سَيَقُولُونَ لِلَّهِ ۚ قُلْ أَفَلَا تَذَكَّرُونَ
Muhammad Sodiq Muhammad Yusuf: Ular: «Allohnikidir», derlar. Sen: «Nahotki eslatma olmasangiz?!» degin.Улар: «Аллоҳникидир», дерлар. Сен: «Наҳотки эслатма олмасангиз?!» дегин.Alauddin Mansour: Ular: «Allohnikidir», derlar. Ayting: «Bas (shundan) ibrat-eslatma olmaysizlarmi?!»Улар: «Аллоҳникидир», дерлар. Айтинг: «Бас (шундан) ибрат-эслатма олмайсизларми?!»
Yaʼni, ular yer va undagi kimsalar Allohnikidir, ularning egasi Allohdir, deb tan oladilar. Yagona Allohga iymon keltirishdan bosh tortib turib, Alloh yerning va undagi kimsalarning egasi ekaniga iqror boʻladilar. Bu yerda mantiq qani? Axir, yer ham, undagi kimsalar ham Allohniki ekanini bilar ekansizlar:
«Nahotki eslatma olmasangiz?!»
Nahotki shuni bila turib, Allohga iymon keltirmasangiz? Nahotki shuni bila turib, Allohning kitobiga, Paygʻambariga iymon keltirmasangiz? Nahotki, shuni bila turib, Allohning diniga yurmasangiz, shariatiga amal qilmasangiz?