إِنَّمَا كَانَ قَوْلَ ٱلْمُؤْمِنِينَ إِذَا دُعُوٓا۟ إِلَى ٱللَّهِ وَرَسُولِهِۦ لِيَحْكُمَ بَيْنَهُمْ أَن يَقُولُوا۟ سَمِعْنَا وَأَطَعْنَا ۚ وَأُو۟لَـٰٓئِكَ هُمُ ٱلْمُفْلِحُونَ
Muhammad Sodiq Muhammad Yusuf: Albatta, mo`minlarning Allohga va Uning Payg`ambariga oralarida hukm chiqarish uchun chorlanganlaridagi gaplari: «Eshitdik va itoat qildik», demoqlaridir. Ana o`shalarning o`zlarigina najot topguvchilardir.Албатта, мўминларнинг Аллоҳга ва Унинг Пайғамбарига ораларида ҳукм чиқариш учун чорланганларидаги гаплари: «Эшитдик ва итоат қилдик», демоқларидир. Ана ўшаларнинг ўзларигина нажот топгувчилардир.Alauddin Mansour: Alloh va Uning paygʻambariga oʻrtalarida hukm chiqarish uchun chorlangan vaqtlarida, moʻminlarning soʻzi «eshitdik va boʻyinsundik», (demoqdir). Ana oʻshalargina najot topguvchilardir.Аллоҳ ва Унинг пайғамбарига ўрталарида ҳукм чиқариш учун чорланган вақтларида, мўминларнинг сўзи «эшитдик ва бўйинсундик», (демоқдир). Ана ўшаларгина нажот топгувчилардир.
Haqiqiy moʻmin Allohning hukmiga chorlanganida, darhol: «Amrni eshitdik, itoat qildik», deydi. Haqiqiy moʻmin Paygʻambar sollallohu alayhi vasallamning hukmiga chorlanganida ham, darhol: «Amrni eshitdik, itoat qildik», deydi.
«Albatta, moʻminlarning Allohga va Uning Paygʻambariga oralarida hukm chiqarish uchun chorlanganlaridagi gaplari: «Eshitdik va itoat qildik», demoqlaridir.»
Allohning va Uning Paygʻambarining hukmiga soʻzsiz boʻyin egmoq iymonning belgisidir. Allohning va Uning Paygʻambari sollallohu alayhi vasallamning hukmiga soʻzsiz boʻyin egganlargina haqiqiy moʻminlardir.
«Ana oʻshalarning oʻzlarigina najot topguvchilardir.»