أَفَمَن وَعَدْنَـٰهُ وَعْدًا حَسَنًا فَهُوَ لَـٰقِيهِ كَمَن مَّتَّعْنَـٰهُ مَتَـٰعَ ٱلْحَيَوٰةِ ٱلدُّنْيَا ثُمَّ هُوَ يَوْمَ ٱلْقِيَـٰمَةِ مِنَ ٱلْمُحْضَرِينَ
Muhammad Sodiq Muhammad Yusuf: Biz unga go`zal va'da qilgan, keyin o`shanga erishuvchi kishi, bu hayoti dunyo matohini berganimizdan so`ngra qiyomat kuni (azobga) hozir qilinganlardan bo`lgan kishi kabi bo`larmidi?!Биз унга гўзал ваъда қилган, кейин ўшанга эришувчи киши, бу ҳаёти дунё матоҳини берганимиздан сўнгра қиёмат куни (азобга) ҳозир қилинганлардан бўлган киши каби бўлармиди?!Alauddin Mansour: Axir Biz goʻzal vaʼda (jannat) vaʼda qilgan, bas, unga erishgan kishi, Biz hayoti dunyo matosidan ozgina foydalantirib, soʻngra Qiyomat Kunida (mangu azobga) duchor qilinguvchilardan boʻlgan kimsa kabi boʻlurmi?!Ахир Биз гўзал ваъда (жаннат) ваъда қилган, бас, унга эришган киши, Биз ҳаёти дунё матосидан озгина фойдалантириб, сўнгра Қиёмат Кунида (мангу азобга) дучор қилингувчилардан бўлган кимса каби бўлурми?!
Bu oyati karimada moʻmin bilan kofir bir-birlariga solishtirib koʻrsatilmoqda. Bir tomonda moʻmin kishi.
«Biz unga goʻzal vaʼda qilgan, keyin oʻshanga erishuvchi kishi...»
Unga Alloh taolo moʻminligi uchun bu dunyoda goʻzal yashashni, u dunyoda goʻzal jannatga ega boʻlishni vaʼda qilgan.
Ikkinchi tomonda kofir kishi.
«...bu hayoti dunyo matohini berganimizdan soʻngra qiyomat kuni (azobga) hozir qilinganlardan boʻlgan kishi...»
Alloh taolo unga hayoti dunyoning ozgina matohini bergan. Keyin u dunyoda azoblash uchun tayyorlab qoʻyadi. Xoʻsh, shu ikki kishini oʻzaro teng deya olamizmi? Albatta, yoʻq!