وَٱقْصِدْ فِى مَشْيِكَ وَٱغْضُضْ مِن صَوْتِكَ ۚ إِنَّ أَنكَرَ ٱلْأَصْوَٰتِ لَصَوْتُ ٱلْحَمِيرِ
Muhammad Sodiq Muhammad Yusuf: «Yurishingda mo`'tadil bo`l va ovozingni pasaytir. Chunki, ovozlarning eng yomoni eshakning ovozidir.»«Юришингда мўътадил бўл ва овозингни пасайтир. Чунки, овозларнинг энг ёмони эшакнинг овозидир.»Alauddin Mansour: Yurganingda oʻrtacha yurgin va ovozingni past qilgin. Chunki ovozlarning eng yomoni eshaklar ovozidir».Юрганингда ўртача юргин ва овозингни паст қилгин. Чунки овозларнинг энг ёмони эшаклар овозидир».
Yaʼni, yurishing oʻrtacha va maqsadli boʻlsin. Bekorchi soxta harakatlar bilan kuch-quvvatni isrof qilib, kibru havo bilan ham yurma, juda lapashang boʻlib, sudralma ham.
«...va ovozingni pasaytir.»
Hangrab, hammayoqni boshingga koʻtarma. Baqir-chaqir qilish yomon narsa. Bilib qoʻy:
«...ovozlarning eng yomoni eshakning ovozidir».
Eshak bekordan-bekorga bor ovozi bilan hangrab turadi. Hech bir sababsiz baland koʻtarilgan ovozning eshaknikiga oʻxshatilishining oʻzi yetarli. Oyatda bu ovoz eng yomon ekanligi ham taʼkidlanmoqda.
Yurish-turish va oʻzini jamiyatda qanday tutish borasidagi oliy misol Paygʻambarimiz sollallohu alayhi vasallamning siyratlaridir. Ul zot shahdam qadamlar bilan moʻʼtadil yurganlar va ovozlarini baland koʻtarmay, dona-dona gapirganlar.
Shu yerda hazrati Luqmonning oʻgʻliga qilgan pand-nasihati tamom boʻladi. Keyingi oyatlarda Alloh taolo maxluqotlarga, jumladan, insonlarga qanday neʼmatlar ato etganini zikr qiladi va ularni oʻsha neʼmatlarni tanishga, ularga shukr etishga chaqiradi: