إِذْ جَآءُوكُم مِّن فَوْقِكُمْ وَمِنْ أَسْفَلَ مِنكُمْ وَإِذْ زَاغَتِ ٱلْأَبْصَـٰرُ وَبَلَغَتِ ٱلْقُلُوبُ ٱلْحَنَاجِرَ وَتَظُنُّونَ بِٱللَّهِ ٱلظُّنُونَا۠
Muhammad Sodiq Muhammad Yusuf: O`shanda ular sizning ust va quyi tomoningizdan kelgan edilar. O`shanda ko`zlar tinib, jonlar halqumga kelgan edi va Alloh haqida turli gumonlar qilardingiz.Ўшанда улар сизнинг уст ва қуйи томонингиздан келган эдилар. Ўшанда кўзлар тиниб, жонлар ҳалқумга келган эди ва Аллоҳ ҳақида турли гумонлар қилардингиз.Alauddin Mansour: Oʻshanda ular sizlarning yuqori tomoningizdan ham, sizlardan quyiroq tomondan ham (bostirib) kelgan edilar. Oʻshanda koʻzlar tinib, yuraklar boʻgʻizlarga tiqilib qolgan va sizlar Alloh haqida (turli) gumonlar qila boshlagan edinglar.Ўшанда улар сизларнинг юқори томонингиздан ҳам, сизлардан қуйироқ томондан ҳам (бостириб) келган эдилар. Ўшанда кўзлар тиниб, юраклар бўғизларга тиқилиб қолган ва сизлар Аллоҳ ҳақида (турли) гумонлар қила бошлаган эдинглар.
Alloh sizga neʼmat bergan ana oʻsha paytda qurayshliklar va gʻatafonliklar ust tomoningizdan, bani qurayzalik yahudiylar esa, quyi tomoningizdan kelgan edilar. Siz ikki oʻt orasida qolgan edingiz.
«Oʻshanda koʻzlar tinib, jonlar halqumga kelgan edi...»
Bu jumla ahvol naqadar jiddiy, nozik boʻlganini, musulmonlar qanchalik qiyin holatga tushib qolganini koʻrsatadi.
«...va Alloh haqida turli gumonlar qilardingiz.»
Gumonlar aynan nimadan iborat ekanligi aytilmaydi. Nima gumon qilgan boʻlsangiz, qilgansiz, degan maʼnoni beradi.