قَالُوا۟ يَـٰوَيْلَنَا مَنۢ بَعَثَنَا مِن مَّرْقَدِنَا ۜ ۗ هَـٰذَا مَا وَعَدَ ٱلرَّحْمَـٰنُ وَصَدَقَ ٱلْمُرْسَلُونَ
Muhammad Sodiq Muhammad Yusuf: Ular: «Voh, sho`rimiz qurisin! Bizni yotgan joyimizdan kim qo`zg`atdi?! Bu Rohman va'da qilgan va yuborilgan Payg`ambarlar tasdiqlagan narsa-ku?!» – derlar.Улар: «Воҳ, шўримиз қурисин! Бизни ётган жойимиздан ким қўзғатди?! Бу Роҳман ваъда қилган ва юборилган Пайғамбарлар тасдиқлаган нарса-ку?!» – дерлар.Alauddin Mansour: Ular: «Ey bizlarga oʻlim boʻlsin! Kim bizlarni yotgan joyimizdan (qabrlarimizdan) turgʻazdi?», deganlarida, (ularga aytilur): «Mana shu Rahmon vaʼda qilgan va paygʻambarlar rost soʻzlagan narsa — Qiyomatdir».Улар: «Эй бизларга ўлим бўлсин! Ким бизларни ётган жойимиздан (қабрларимиздан) турғазди?», деганларида, (уларга айтилур): «Мана шу Раҳмон ваъда қилган ва пайғамбарлар рост сўзлаган нарса — Қиёматдир».
Boshlariga tushganida koʻzlari ochilib, hushlari joyiga keladi. Isrofil alayhissalom surga ikkinchi bor puflaganidan keyin qabrlaridan shoshilib chiqqan kofirlar hayron boʻlib:
«Voh, shoʻrimiz qurisin! Bizni yotgan joyimizdan kim qoʻzgʻatdi?!»
Oʻlib, koʻmilib yotgan joyimizdan kim chiqardi?!–deydilar. Bir ozdan soʻng gap nimada ekanligini fahmlab yetib:
«Bu Rohman vaʼda qilgan...» narsa-ku!
Alloh bizga oʻlgandan soʻng tirilib, qabrdan chiqishni vaʼda qilgan edi. Bu xuddi shuning oʻzi-ku!
«...va yuborilgan Paygʻambarlar tasdiqlagan narsa-ku?!» – derlar».
Bizga kelgan Paygʻambarlar ham oʻlgandan keyin tirilish haq ekanini aytgan edilar, bu ishlar oʻshaning oʻzginasi-ku, deydilar.