وَلِلَّهِ مَا فِى ٱلسَّمَـٰوَٰتِ وَمَا فِى ٱلْأَرْضِ ۚ وَكَانَ ٱللَّهُ بِكُلِّ شَىْءٍ مُّحِيطًا
Muhammad Sodiq Muhammad Yusuf: Osmonlaru yerdagi narsalar Allohga xosdir va Alloh har bir narsani ihota qilgan Zotdir.Осмонлару ердаги нарсалар Аллоҳга хосдир ва Аллоҳ ҳар бир нарсани иҳота қилган Зотдир.Alauddin Mansour: Osmonlardagi va Yerdagi bor narsa Allohnikidir. Alloh hamma narsani ihota qilguvchi boʻlgan Zotdir.Осмонлардаги ва Ердаги бор нарса Аллоҳникидир. Аллоҳ ҳамма нарсани иҳота қилгувчи бўлган Зотдир.
Yaʼni, dunyodagi barcha narsalar Allohning mulki, quli va maxluqlaridir, U zot ularni xohlaganicha tasarruf qiladi. U har bir narsani ixota qilib–qamrab olgandir. Undan hech narsa mahfiy qolmaydi. Jumladan, bandalarning qilgan amallari ham.
Suraning avvalida ayollar, yetimlar, zaifhol kishilar va bolalar haqida tushgan oyatlarda muolaja qilingan turli masalalar yangi shakllanib kelayotgan islomiy jamiyatda har xil savollarning yuzaga chiqishiga sabab boʻlgan edi. Oʻsha savollarga javob tariqasida ham sura boshida qoʻzgʻatilgan masalalarga toʻldirish boʻlib quyidagi majmua oyatlar nozil qilindi: